menu secteurs

print
print rss
Ensenhar > Ensenhar a Calandreta

menu secteur

Volètz far de regent a Calandreta ?

Cada an, APRENE - Establiment d’ensenhament superior occitan - recruta de mond que vòlon far de professors d’escòla a Calandreta.

Per presentar sa candidatura a APRENE, cal :

- Èsser titulari d’una licéncia

- Mestrejar l’occitan oral e escrich. (La lenga del centre es l’occitan. Los corses se debanan en majoritat en occitan. Tota la vida del centre tanben.)

- Èsser d’aise amb los mainatges. Se sentir la vocacion d’ensenhar

- Faire una demanda d’inscripcion a la Jurada per intrar en formacion a APRENE

La formacion iniciala dels regents amb APRENE

APRENE ensenha la pedagogia de l’immersion lingüistica, prepausa una formacion completa en tres annadas :

- Jurada : Los candidats acceptats a la jurada per una federacion regionala de las Calandretas venon de “calandrins” e intran en primièra annada

- Primièra annada : Los calandrins participan a d’estagis teorics a Besièrs e partejan de practicas professionalas en classa amb un regent (aquesta annada es bailejada pel CFPO)

- Segonda annada : Es una annada en responsabilitat probatòria dins una classa.
Opcion PE1 (professor d’escòla 1): La federacion regionala pòt prepausar al calandrin de seguir la formacion de PE1 per aprestar las espròvas teoricas del concors de professor d’escòla en occitan

- Tresena annada : APRENE prepausa un trabalh vertadièr de recèrca personala dins lo camp de la practica pedagogica e didactica

S’un calandrin a capitadas las tres annadas de formacion iniciala, sa federacion regionala lo poirà installar en qualitat de regent titular (professor d’escòla titular) dins una classa Calandreta.

APRENE- Establiment d’ensenhament superior occitan
Ostal de la vida associativa . n°116
15 carrièra del general Margueritte . 34500 Besièrs
tel : 04 67 28 75 36 - fax :04 67 28 75 39

La Confederacion occitana de las escòlas laïcas Calandretas
Ostal d’Occitània . Espaci Jaume 1èr d’Aragon . 117 carrièra dels Estats Generals . 34000 MONTPELHIÈR . tel : 04 67 06 81 10
coordinatritz(at)calandreta.org - de remplaçar/remplacer (at) per/par @
La Confederacion occitana de las escòlas laïcas Calandretas es afiliada a
l’ISLRF, l’Institut Supérieur des Langues de la République Française
logo de l'ISLRF
Mencions legalas