L’occitan a Carcassona

Adaptacion de l’extrach d’un article publicat dins l’Indépendant lo 2 de junh passat. https://www.google.com/url?rct=j&sa=t&url=http://www.lindependant.fr/2017/06/02/l-independant-en-campagne-legislatives-aude-et-p-o-si-on-parlait-local,3021096.php&ct=ga&cd=CAEYACoUMTAyNjg5MDIwMDE3MjIwMDQ2MDYyGTE4ZTUwYzQ1OGUyMjg1NzA6ZnI6ZnI6RlI&usg=AFQjCNH8-NpEhGVJS6RnUFDTTL0hj2XDmw

(…)

Carcassona : un exemple !
Per çò qu’es de las escòlas occitanas, Calandreta, nascudas al començament de las annadas ochanta, recampan un pauc mai de 4000 escolans, que gaireben 500 son escolarizats dins Aude. Nòu escòlas : a Limós, Sijan, Narbona (2), Carcassona (2), Peiriac de Menerbés, Viladobèrta e Bisan. Fòrt de l’experiéncia e del succès de la Calandreta de Carcassona, lo collègi Le Bastion a mes en plaça un cursus bilingüe, seguit puèi pel licèu Paul-Sabatier, fasent de Carcassona la primièra ciutat de Lengadòc-Rosselhon ont es possible de seguir un tal percors.

Uèi, las calandretas s’encontran sul territòri d’Occitània, en Provença, Auvèrnhe, Lemosin e Aquitània, amb un ensenhament declinat dins la forma dialectala occitana de cada canton, mas amb una pedagogia unenca.

Quals son los parents que marcan sos enfants dins las Calandretas ? « la màger part parla pas occitan », disiá Beatritz Gerbaud-Nieto de la Calandreta Narbonesa, dins nòstra edicion narbonesa del 23 de genièr de 2017. « Soi pas cap de cultura occitana. D’en primièr quitament pensavi pas escolarizar ma filha. Puèi, descobriguèri Calandreta,  son univèrs, sos metòdes d’aprendissatge, foguèri embelinada. »

Un ministre e… dos presidents !

Dissabte 3 de junh, a l’escasença de son desplaçament a Biarritz pel congres de la FCPE, lo novèl Ministre de l’Educacion Nacionala, Jean-Michel BLANQUER, rescontrèt lo president de SEASKA e d’ESKOLIM, Paxkal INDO, e lo co-president de CALANDRETA e president de l’ISLRF, Joan-Lois BLENET.
Hervé COUTURE, director del CAPÒC participèt tanben a la reunion.

Photo rescontre ministre 2017 (2)
Jean-Michel BLANQUER, rescontrèt lo president de SEASKA e d’ESKOLIM, Paxkal INDO, e lo co-president de CALANDRETA e president de l’ISLRF, Joan-Lois BLENET.

Aqueste rescontre se faguèt mercé a la demanda dels elegits e particularament aquesta del President del Conselh Departamental, Jean-Jacques LASSERRE, e del Vici-Président Max BRISSON.

Aquò faguèt plan vèire au Ministre lo sosten politic sus la question de las lengas regionalas.

Amb las demandas particularas de l’immersion presentèrem la necessitat de donar un estatut a las lengas regionalas dins l’ensenhament que s’i trapan dins una situacion plan malaisida e doncas marrida.
Al contrari del francés, qu’es la lenga nacionala, e de las lengas estrangièras que son obligatòrias, las lengas regionalas, an pas d’estatut e demòran encara jos la règla del doble volontariat : lo de las familhas e lo dels emplegats del servici public. Pasmens las lengas regionalas son marcadas dins la Constitucion coma Patrimòni de França,

Presentèrem la demanda d’una Lèi o Reglamentacion per un ESTATUT DE LAS LENGAS REGIONALAS, amb qualques principis màgers :

1) La lenga regionala es lenga de drech dins tots los establiments de sa zòna de difusion (pas mai de vòtes de C.A o de professors per autorizar l’ensenhament de l’occitan, nimai de possibilitats d’embarràs o de refús dels inspectors ).

2) Pas de concuréncia amb las opcions e las lengas estrangièras : estudiar l’occitan deu pas demandar al jove un sacrifici educatiu.

3) l’Ensenhament se deu sempre dispensar pendent lo temps escolar.

4) Obligacion de seguit pedagogic.

5) Valorizacion al mens a egalitat amb las lengas ancianas.

Amb aquel estatut demandèrem una reconéissença mai formala qu’aquesta que coneissèm a l’ora d’ara, per las 5 rets laïcas d’ensenhament immersiu.

Lo Ministre diguèt son acòrdi sus la necessitat de servar la diversitat lingüistica e culturala.
Mostrèt un interes grand per l’experimentacion pedagogica e lo plurilingüisme que practicam.
Avèm constatat un esperit de dobertura e lo ligam es pres amb lo Ministre e son gabinet per faire avans per l’occitan e las lengas regionalas.

Joan-Loís Blenet, co-president de la Confederacion Calandreta

Total Festum a Carcasona

Lo projècte « Arab’Oc – Musique »  presentat per l’associacion 11bouge, en ligam amb lo Festenal Total Festum 2017, dintra dins sa darrièra linha drecha !

Après 3 meses de repeticion a l’escòla Jules Ferry e a la Calandreta de Carcassona, los 40 enfants de CM1/CM2 enregistrèron amb los artistas de Du Bartàs la cançon Laman, Fisança al Seven Vibrations Recording Studios, a Cuxac Cabardés…

Sèm uroses de vos presentar lo clip que foguèt enregistrat tot al long de las diferentas sesilhas : https://www.youtube.com/watch?v=91e_139lKsE&feature=share

Dissabte 17 de junh : final del projècte a l’escasença del Festenal Total Festum, davant la Fabrique des Arts amb los talhièrs Arab’Oc Cuisine, musique, Graff et sciences.

A 19h : l’associacion calandreta prepausa un repais « occitano-oriental » – en ligam amb los talhièrs « Arab’Oc – Cuisine » que mantuns parents de l’escòla i participèron. I aguèt una presentacion lo 19 de mai passat a l’escasença del concèrt de Magyd Cherfi al teatre de  Penautièr.  Grand-grand moment … Mercé a totes aqueles que i participèron !

Al Menut  : cigarros de ton, tapenada, anchoïada e sos legums, tabolé, fogassa a la flor d’irangièr, 1 veire de vin o de chuc de frucha.

Tarifas – 10 € (adult) / 5 € (enfants – de 10 ans)

Reservacions al 07.62.46.38.48 o sus communication@calandretadeciutat.fr

flyer-total-festum-recto-1 (2)

flyer-total-festum-verso-1 (2)

Calandreta recruta d’ensenhaires en Auvèrnhe-Ròse-Alps

A l’image de l’école laïque bilingue Français-Occitan d’Aurillac qui a vu ses effectifs tripler en 20 ans, les Calendretas d’Auvergne-Rhône-Alpes connaissent un bel essor. / © C. Bernard / France 3 Auvergne
© C. Bernard / France 3 Auvergne

A l’imatge de l’escòla Calandreta d’Orlhac que sos efectius triplèron en 20 ans, los establiments Calandreta d’Auvèrnhe-Ròse-Alps coneisson un desvolopament dels bèls. Lançan doncas una campanha de recrutament d’ensenhaires per respondre als besonhs.

Parlar occitan e èsser titular d’una licéncia : dos critèris indispensables per esperar venir ensenhaire dins una Calandreta. Aquestas estructuras laïcas mancan de professors  d’escòlas per far fàcia a l’augmentacion del nombre dels escolans. A Orlhac, dins Cantal, un trentenat d’escolans seguís aquesta mena d’ensenhament a l’encòp institucional e basat sus de metòdes inspirats de Freinet. Aquí, tre la mairala, los enfants son en immersion dins la lenga occitana.

En França, Calandreta compta 65 escòlas  e 3 collègis  repartits sus 20 departaments. / © C. Bernard / France 3 Auvergne
Traparetz la vidèo d’aqueste subjècte en clicar sul ligam : http://france3-regions.francetvinfo.fr/auvergne-rhone-alpes/cantal/aurillac/ecoles-bilingues-francais-occitan-recrutent-enseignants-auvergne-rhone-alpes-1268777.htmlIntervenaires : Pierre Raymond, professor d’escòla a la Calandreta d’Orlhac / André Ensing Clavaire de l’associacion gestionària de la Calandreta d’Orlhac, membre de la federacion regionala Calandreta. C. Bernard / L. Ribes / B. courtine / france 3 Auvergne.
Image doc france3
Adaptat de l’article publicat per K.T. amb Claude Bernard

Pòrtas dobèrtas a la calandreta de Pàmias

Calandreta : mai qu’una simpla escòla en occitan

Sandra Bernard, la directritz e  Jean-Marc Saint-Michel, un dels copresidents. /Photo DDM, archius.

Creada, fa 23 ans, la calandreta de Pàmias dobrissiá la pòrtas al public ièr. L’escòla occitana vòl ganhar un vintenat d’escolans dins las annadas venentas.

«Aquesta escòla es nòstra. Es çò que ne fasèm». Aquí lo messatge dels parents de la calandreta a l’escasença de la jornada pòrtas dobèrtas organizada ièr.

Volián mostrar que la calandreta es mai qu’una simpla escòla ont s’apren l’occitan. « Una aventura » umana ont cadun participa al projècte educatiu. Una filosofia educativa.  E es segurament per aquò qu’una partida dels enfants que i son marcats an pas forçadament de ligam amb la cultura occitana al començament. « Es lo costat familial que m’atraguèt, lo fach de se poder inverstir dins l’educacion dels enfants. Fin finala, l’occitan pren tot son sens dins un caminament mai global», explica una parenta d’escolans. Aqueste de l’enrasigament dins una cultura locala coma, Jean-Marc Saint-Michel, lo copresident, ne fa la remarca. «Dins aqueste mond bolegadís, es important de s’apiejar sus las rasigas e la cultura. Es aital que se crea la dobertura».

Los establiments calandreta repausan sus 4 pilars : la lenga, la pedagogia (metòde Freinet e pedagogia institucionala), la cultura e lo « far amassa ». Parents e ensenhaires fan l’escòla amassa. «Formam de ciutadans en capacitat de pensar d’espereles», indica lo copresident.

Creada fa 23 ans, uèi la calandreta compta un seissantenat d’escolans repartits sus tres cicles (pichòta seccion ; CP et CE1 ; CE2, CM1 e CM2). L’objectiu de l’escòla es d’arribar al nombre de 80 escolans. «Aital l’escòla seriá estabilizada», apond Jean-Marc Saint-Michel.

Sol problèma, dins las zònas ruralas coma Arièja, lo còst de l’escolaritat  (350 € per an) e la distància frenan las causas. Per ganhar 20 escolans, l’escòla a mantuns projèctes que poirián capitar dins los meses venents.

Fèsta occitana

Lo 1èr de julh, la calandreta organiza una fèsta occitana.

Començarà a 14 h amb una quermessa. Serà l’escasença de participar a una dictada occitana.

A 16 h 30 : espectacle dels enfants de l’escòla e corala. Puèi aperitiu ofèrt en musica.

En seguida, podretz participar a un repais amb un concors culinari. La jornada s’acabarà per un balèti e un fuòc de la Sant Joan (un pauc tardiu).

Castellers catalans en Bearn amb la calandreta de Lis !

Adishatz monde !

Aprèp la venguda en 2014 de Castellers Catalans a Arudi, la Calandreta de Lis i torna lo 24 de junh amb 130 castellers del Poble Sec (Barcelona) !

—————————————————————————–

En amont d’aquesta jornada, organizam lo 13 de junh de 2014 a 21h, al cinèma Saint-Michel d’Arudi, la difusion del film « Enxaneta ».

afica enxaneta copie

La banda anóncia : https://www.youtube.com/watch?v=hutjxGnpaRc

L’Enxaneta es lo nom de l’enfant que monta tot en naut del castell. Aqueste film conta l’istoric e, mai que mai, las valors que motivan aqueles òmes, femnas, joves e ancians a far de castellers. I a de plaça per totes, qual que siá l’atge, lo sèxe, la color, la situacion sociala. E s’acaba qu’es una fèsta populara de las grandas !

Aquesta difusion se fa en partenariat amb lo Cinèma Saint Michel d’Arudi e amb lo sosten de TV3 Catalunya, de la Comuna d’Arudi e de la CCVO.

Dintrada  : 5€. Mens de 16 ans : 4€

——————————————————————————-

Lo 24 de junh :

10h : Castells sus la plaça de Laruns.

12h : sus la plaça d’Arudi, acuèlh oficial per la Comuna d’Arudi.

16 h : grandas demostracions a l’estadi de rugbi d’Arudi.

Dintrada : 6 euros/ adultes ; 3 euros de 10 a 16 ans ; gratuit mens de 10 ans.

——————————————————————————–

Per ne saupre mai suls 13 e 24 de junh, qualques ligams :

Pagina facebook de l’escòla : https://www.facebook.com/calandreta.lis

Pagina facebook especifica a l’eveniment : https://www.facebook.com/Castellers-Catalans-en-Bearn-1091614197628415/

Site internet : www.occat.org
———————————————————————————-

Appel a benevòls

Nous cal de mond per aquesta jornada, alara se nos podètz ajudar… Seretz pla venguts !


BORDES David
Calandreta deu Lis – Casalòt d’Aussau

06 28 06 35 79

Ostau Cap e Tot – Maison Cap e Tot
6 camin La Caussada – 6 chemin Lacaussade
64260 Lo Lis – 64260 Lys

www.calandreta-bearn.org
http://calandreta.org

Recampament annal de las calandretas de Lengadòc a Bessilhas

AFFICHE_impression-page-001

La « Federacion Calandreta Lengadòc » organisa lo 21en recampament annadier dels calandrons de la region Lengadòc tota lo dijoùs 15 de junh de 2017 de 09 oras 30 fins a 15 oras , a la basa departementala de Bessilhas prèp de Montanhac dins Erau.

Aquela jornada d’escòla en defòra de la classa es lo ponch d’òrgue d’un trabalh pedagogic menat, long de l’annada, entre las Calandretas, sul tèma : «Arts e Istòria ».

Pendent aquela jornada, los calandrons escambiaràn en occitan sus aquel tèma a l’entorn de jòcs, de talhièrs e d’espectacles creats e jogats pels escolans de la Calandreta De Ciutat/Pech Mary (Carcassona) e de la Calandreta Limosenca Joan Clerçi (Limos).

Los 25 establiments occitans Calandretas de Lengadòc (24 escòlas e un collègi situat a Montpelhièr) qu’escolarizan, ara, 1923 calandrons de la pichòta seccion fins a la tresena i participaràn coma tanben l’escòla Calandreta de Milhau.

A Calandreta, l’occitan se viu en immersion tre la mairala, aquò permet als mainatges d’èsser d’ora bilingües en francés e en occitan. Aquel bilinguisme precòç dobrís a l’estudi d’autras lengas e culturas, es una dobertura sul mond.

Los calandrons fan los jornalistas ràdio e tele

201706012153-full
Los jornalistas en èrba èran encantats de presentar son trabalh davant sos parents e sos amics d’escòla./Fòto V. T.

L’emission ràdio «#Actuacalandrons» escapèt segurament pas als auditors de « Ràdio País Bigòra ». Mas son benlèu pas nombroses de saupre que las voces d’enfants que se pòdon ausir son aquestas dels escolans de la Calandreta de Banhèras-de-Bigòra. De vertadièrs jornalistas en èrba que tractan de l’actualitat locala, nacionala e quitament internacionala en occitan. Amb un plaser vertadièr e un gaubi susprenent.

«Los escolans de Banhèras foguèron causits qu’an l’accent mai polit » declara, fier, Joan-Claudi Viau, fervorós defensaire de la lenga occitana. «Son coratjoses», soslinha Silvan Carrère que ven a l’escòla bilingä de la ciutat termala cada quinze jorns per enregistrar l’emission. «Es pas aisit de parlar dins un micro e davant una camerà, o encara d’aprene los tèxtes de per còr. Que, pecisa, trabalham sens bufaire mecanic. Es tanben fòrça trabalh en amont pels escolans, avèm trabalhat en particular sus l’intonacion. Mas progressan lèu.» Un progrès qu’a pas res de susprenent vist l’estrambòrd del joves escolans.

Se la collaboracion entre la Calandreta de Banhèras e la cadena occitana es pas d’ièr, las vint-e-cinc granas de jornalistas de las classas de CM1 e CM2 tenguèron a presentar a las familhas e a sos amics la darrièra produccion d’aquesta emission realizada per  «Ràdio País» e «OCtele» abans que siá difusida sus la ret. Jol cobèrt de l’escòla, davant una assisténcia nombrosa, los joves presentèron son trabalh, ofrissent un bèla demostracion de son gaubi amb lo micro mas tanben de son eloquéncia. Lo tot confirmat en imatges pendent la projeccion de son JT.


«L’occitan es una lenga viva»

«Menam de jornals a l’ostal ont soslinham l’essencial, puèi trabalham en classa los tèxtes qu’anam enregistrar», explican amb fòrça vam Clara, Titoan V., Titoan B., Noémie et Soline, que tenon a mercejar «Silvan e Valeria de nos permetre de far aquò. Avèm plan d’astre». Subretot que descobrisson tanben un molon de causas. «Abans, legissiam pas los jornals», dison, tant plan interessats uèi per l’actualitat politica, economica e environamentala coma per aquesta del quotidian, e plan d’autres subjèctes. «Tot nos agrada», respondon en còr. Ja de vocacions ? «Sabi pas, i a plen d’autras matèrias interessantas», nos ditz Titoan. «E puèi, cal escriure fòrça», esita encara Soline. Qué que ne siá «es una aventura de las bèlas pels enfants», coma o soslinhèt la directritz Valeria Cazenave-Bernadou. «E un biais de trasmetre lo messatge qu’es una lenga que viu e qu’a tota sa legitimitat sus las onda, la ret, veire las rets socialas», soslinha Silvan.

Adaptacion de l’article de Viktoria Telek, publicat lo 1/06/17 dins La Dépêche

A Gap, la calandreta a de gerir son succès

GAP. Syril Buslig e los parents d’aquesta escòla associativa bilingüa luchan per ofrir de condicions onorablas d’ensenhament en occitan alpin a 37 escolans. Dempuèi 2016 lo Conselh Regional baissèt fòrça son ajuda, sus la basa de falsas informacions. Lo president de l’associacion reagís per Aquò d’Aquí.

Perqué los parents caussisson la Calandreta Gapiana ?

Mon cas es a pauc prèp aqueste de totes aquí. Ma filha èra fòrça activa e se languissiá a la grépia. Mas cossí trapar una escòla que responde a nòstres desirs ? Pro lèu, a Gap, arribam a la Calandreta : talha familiala, bilingüisme aboriu e metòde Freinet !

"Plus de quarante élèves seront inscrits à la prochaine rentrée, nous espérons un second poste enseignant" (photo MN)
« Mai de quarante escolans seràn marcats a la dintrada venenta, esperam un segond pòste ensenhaire » (photo MN)

Quand l’avèm coneguda aquesta escòla vivotejava amb mens de 20 escolans. Ara es en fòrta aumentacion d’efectius. Cossí gerir lo succès ?
Ongan, i a 37 enfants marcats, e tantas familhas aderentas de la Calandreta. Nòstras recentas òbras d’agrandiment i son per quicòm. Avèm enregistrat fòrça demandas en 2016-17, segur. Tant mièlhs, mas aquò pausa tanben un lagui màger ; a quarante escolans – e i serem a la dintrada venenta – devèm poder proposar un segond ensenhaire. Cossí finançar lo pòste ? Es que l’Estat tendrà sos engatjaments en nos permetre d’o crear ? Dins l’espèra l’avèm finançat sus fons pròpris.

Au Hameau St-Jean de Gap, la cour de récré aurait du être agrandie, mais la chute des aides de la Région Paca contraint les jeux d'enfants à l'étroitesse (photo MN)
Al Masatge St Joan de Gap, aurián degut agrandir la cor de recreança, mas la casuda de las ajudas de la Region PACA constrenh los jòcs d’enfants a l’estrechor (photo MN)

Mas la Region PACA baissèt fòrt sa subvencion ongan. Que s’aprendriá aquí quicòm mai que l’occitan local !
Evidentament non ! Sonatz lo occitan alpin o gavòt, mas l’avètz ausit en classa, s’apren pas res mai aquí. La Region suprimiguèt pasmens gaireben la mitat de sa subvencion ongan amb aqueste argument inapropriat, çò que provoquèt la casuda del budgèt de la Federacion Calandreta de Provença de 35 000 €. Es enòrme per nautres. A despart dels ensenhaires que sos pòstes son pagats per l’Estat, i a nòstras Asem*, e, concretament, poguèrem pas menar d’òbras previstas. La baissa de la subvencion regionala significa, per nòstres enfants, qu’agrandirem pas la cor de recreança. Aviam la moneda per aquò far, mas l’avèm utilizada per finançar lo segond pòste d’ensenhaire, que correspond a nòstra classa de mairala. Ara qué far ? Podèm pas pus finançar aqueste pòste e la cor demòra tròp pichòta.

*Ajudas de las classas de mairala

Adaptacion de l’article de Michel Neumuller dins lo jornal  Aquò d’Aquí (que vos recomandam),dijòus 25 de mai de 2017.

http://www.aquodaqui.info/A-Gap-la-Calandreta-doit-gerer-son-succes_a1416.html

Ibòs : doas oras de cant per la Calandreta deu Pais Tarbes

Ibos. Deux heures de chants pour la Calandreta deu Pais Tarbes
Totes los cantaires de la serada acampats sus scèna pel Se canta.

80 cantaires s’acampèron dissabte de ser a Ibòs per festejar lo cant e ajudar a finançar la  Calandreta deu Pais Tarbes. En Occitan o en Francés, los enfants e los ancians se succediguèron sus la scèna de la sala dels espòsrts d’Ibòs.

A l’iniciativa dels organizators de la Hestejada, la serada aviá per objectiu una bona causa : ajudar l’escòla associativa Calandreta a renovar sos locals. E son justament los escolans qu’entamenèron lo torn de cants ponctuat de mantuns moments magics. Totes los cantaires s’acampèron a la fin de l’espectacle per cantar en còr lo Se canta davant las qualques 200 personas vengudas profechar de l’espectacle.

Tarbes7.fr  / 29 de mai de 2017.

Pau : las còlas del collègi Calandreta espèran una solucion perenna

La Region o confirmèt : lo collègi Calandreta deuriá poder demorar una an de mai dins los locals del licèu Baradat. Una solucion de tèrme cort, mas qu’assegura pas lo futur.

Les élèves du collège Calandreta devraient normalement rester dans les locaux du lycée Honoré-Baradat l’an prochain. © Marc Zirnheld
Los escolans del collègi Calandreta deurián normalament demorar dins los locals del licèu Honoré-Baradat l’an que ven. © Marc Zirnheld

La question se pausa a cada fin d’annada escolara : ont se traparà lo collègi Calandreta a la dintrada seguenta ? Alara que lo Departament – institucion en  carga dels collègis – a pas pogut trapar cap de solucion, la Region o confirmèt lo collègi Calandreta deuriá fin finala poder demorar un an de mai dins sos locals del licèu Honoré Baradat.

«Aquesta novèla nos pòrta de serenitat. Sabèm al mens ont serem l’an que ven» se regaudís Maria-Peire Baylocq-Sassoubre, cap d’establiment d’aqueste collègi que prepausa de corses en immersion totala en occitan. Una solucion provisòria doncas, mas qu’a lo meriti de sostar la còla d’aqueste establiment, menaçat dempuèi qualques setmanas de se trapar per carrièra lo 31 de julh venent.

La region assoplís sa pausicion

La novèla tornèt tanben balhar lo sorrire als membres de l’associacion acampats aqueste dijòus per una amassada generala. Qualques setmanas a, aprèp una primièra AG que son quorum foguèt pas complit, venguèron nombroses per far lo ponch sus aquestes darrièrs meses, mas tanben per soscar als objectius de las annadas venentas. Demest las ambicions del collègi, la situacion geografica a una plaça preponderanta. «Volèm melhorar las condicions d’acuèlh dels collegians per de locals definitius e un internat. Batalham per aquò e capitarem», ambiciona Brigitte Vergez, la presidenta de l’associacion del collègi.

Quand l’institucion regionala s’èra, fins ara, mostrada  fòrt rigorosa per que lo collègi quite los locals del licèu Honoré-Baradat, a recentament assoplida sa pausicion. «Se i a pas de solucion, los anam pas daissar tombar e podràn demorar un an de mai dins los locals del licèu Baradat. Daissarem pas lo collègi Calandreta per carrièra» assegura Joan-Loís Nembrini, lo vici-president de la Region Novèla-Aquitània en carga de l’educacion.

Una pausicion que la Region cambièt leugièrament per rapòrt a qualques setmanas a (edicion del 13 d’abril) que, alara, èra absoludament pas question de perlongar aqueste balh que mobiliza mantunas salas del licèu Baradat per sonque 6 000 € per an. Se la region tornèt sus sa decision es tanben que lo Departament lor provèt que contuhava de cercar una solucion.  «Notèri plan que lo Departament aviá demandat al collègi Clermont e que lo conselh d’administracion de Clermont aviá refusat», soslinha Joan-Loís Nembrini.

Un efectiu en creis constant

Las inquietuds del collègi Calandreta ne son pas mens vertadièras : cap de solucion existís pas per las annadas seguentas, d’autant mai que los efectius son en constanta augmentacion. a la dintrada, òm deuriá passar los cinquanta collegians, dont 15 veire 19 en seisèna. Se contunham de grandir aital, nous caldrà trapar una solucion amb lo Departament. Esperam una responsa un pauc mai precisa pel futur», espèra Maria-Pèire Baylocq-Sassoubre per pas pus aver de se pausar cada annada aquesta question fatidica de saupre ont serà lo collègi a la dintrada seguenta.

Adaptat de l’article publicat dins  la République des Pyrénées lo 13 de mai de 2017 per KEVIN ESTRADE k.estrade@pyrenees.com

Una capitada per la tresena edicion del Prèmi Literari Calandreta !

Vos mercejam per la vòstra participacion al projècte del PRÈMI LITERARI CALANDRETA 2017 que s’acabèt lo 5 de mai per una PASSEJADA LITERÀRIA en Agde.

P1510329-min

397 escolans, es a dire 18 classas de Besièrs, Montpelhièr, Bisa e Agde… venguèron per rencontrar autors, ostals d’edicion, bibliotecaris e professionals dels libres.

P1510316-min

Foguèt una brava fèsta ont mercegèrem los autors seleccionats, ongan. Vos mandam aquí las resultas dels primats :

  • CICLE 1
    LO LOP QUE VOLIÁ CAMBIAR DE COLOR Jean-Pierre Raynaud (revirada) A.E.L.O.C.
  • CICLE 2
    LO BEVEIRE DE TINTA Florent Vialade (revirada) CAP’ÒC
  • CICLE 3
    CONTES DE LA CALANDRETA Andrieu Lagarde LETRAS D’ÒC

P1510359-min

Aqueste projècte federator de literatura occitana espelís cada annada : 1300 escolans d’occitània tota i participèron, 25 classas de cicle 1, 24 classas de cicle 2 e 15 de cicle 3.

P1510349-min

P1500873-min

Mercés a totes e a l’an que ven per de lecturas novèlas !

La còla pedagogica Dagtenca, plan ajudada per la
federacion 34 de las calandretas,
pel C.I.R.D.O.C.
per l’associacion « Lectura e òc »
e per l’establiment APRENE

Reportatge sus Calandreta

Cossí fonciona una calandreta ?

La primièra escòla immersiva calandreta nasquèt en genièr de 1980 a Pau. Uèi, son 65 escòlas e 3 collègis ont l’occitan es lenga d’ensenhament.

Los 3797 calandrons escolarizats ongan l’aprenguèron en immersion, amb la pedagogia Freinet entre autras.

A gaireben 40 ans, lo movement Calandreta es vengut un actor màger del païsatge occitan. Tot lo mond a ausit parlar d’aquestas escòlas restacadas al Ministèri de l’Educacion Nacionala. Mas qual las conéis vertadièrament ?

Calandreta, emplegaire occitan màger

L’er d’i pas tocar, l’estructura Calandreta emplega 532 personas que 216 son ensenhaires, la màger part pagada per l’Estat aprèp la contractualizacion de l’escòla. Sus la sola acadèmia de Montpelhièr, Calandreta compta 110 professors.

Calandreta, es tanben l’ISLRF (Institut Superior de las lengas de la Republica Francesa) que forma los futurs professors de las escòlas immersivas, l’establiment d’ensenhament superior Aprene que li es afiliat, mas tanben lo CFPO (Centre de Formacion Professionala Occitan). Aquestes emplegats se vènon apondre a las 532 personas. Lo budgèt globla es de  17,4 M d’€.

Calandreta e sos etèrnes problèmas de locals.

Crear una calandreta, es totjorn complicat. Que cal trapar un local per aculhir los enfants, pagar un loguièr, o crompar un terren, bastir una escòla… Mas far viure e se desvolopar una Calandreta, es un vertadièr copa-cap. Dins 45% dels casses, Calandreta es proprietària, siá del terren, siá de l’escòla. Çò que, per son president Joan-Loís Blenet, es un fracàs.

Vaquí l’exemple de la Calandreta de Sijan, dins de locals vielhissents, menaçada mai d’un còp de barradura, e que se pòt pas desvolopar per manca de plaça.

Urosament, i a un projècte bèl a Pòrt-la-Novèla, dins un ancian mas qu’aparten al conservatòri del litoral…

Calandreta e la problematica del segondari

Lontemps, calandreta negligiguèt un pauc lo segondari, pensant que l’ensenhament public prendriá lo relai. Resultat : sonque 3 collègis e pas cap de licèu. 210 collegians repartits entre Montpelhièr, Pau e Tolosa.

I a doncas pas de cursus complet per l’occitan de la mairala a l’universitat. La presidenta de la Region Occitània, Carola Delga, s’es engatjada sus 2 licèus abans la fin de la mandatura : 1 a Tolosa e l’autre a Montpelhièr.

Dins l’espèra, calandreta cèrca tanben de locals pel collègi tolosan albergat per l’ora… dins una escòla publica primària !

D’aprèp los Reportatges de B. Roux J. Levé P. Barguisseau C. Willocq M.P. Fournier.

Publicat pel-blog-de-viure-al-pais-france3 le 27/03/2017.

Lo Benaset @Benoit1Roux

Espectacle magnific de las escòlas calandreta De Ciutat, Pèch Mary e La Rosèla sus la scèna del teatre de Carcassona

« Dins los passes de Pèire Pos »

Lo dimars 14 de mars passat, al teatre Jean Alary, las escòlas Calandreta de Carcassona e Viladubèrta presentèron davant mai de 550 espectadors lor espectacle Dins los passes de Pèire Pos.

Dins los passes de Pèire Pos

Aquesta representacion fasiá seguida a la classa vèrda organizada l’an passat en País de Sault. Los enfants èran partits al rescontre de la natura mas tanben del formidable contaire Pèire Pos mercé, entre autres, a l’intervencion de Pèire Brun. Lo contaire mitic del País de Sault aviá atal aculhit dins son ostal un grop de calandrons per un escambi de contes al canton de la chiminièra.

L1370668 (Copier)

La lenga occitana passèt de boca a aurelhas e aqueste escambi faguèt créisser en çò dels mai joves l’enveja de venir contaire a son torn.

Es exactament çò que mostrèron sus l’empont en encadenant cinc tablèus. Lo lop, la mandra, los gigants, la bèstia de sèt caps e l’ors balhèron l’escasença a totes los actors de metre en scèna de contes de Pèire Pos.

Emai los enfants aguèron drech a una suspresa de darrièra minuta en veire arribar al teatre lo quite Pèire Pos ! Aqueste d’aquí, que celebrarà dins qualques jorns sos 88 ans, daissa rarament lo País de Sault e, el tanben, foguèt suspres de veire la granda consideracion que la sala li manifestèt.

Pierre Pous théâtre J Alary

Aqueste espectacle marca un temps fòrt per las escòlas Calandreta que pòrtan la cultura e la lenga occitana amb tant de fervor coma l’ensenhament. Las còlas pedagogica e associativa Calandreta mercèjan en particulièr la còla del téatre Jean Alary e tanben l’escòla Berthelot e la Calandreta de Peiriac qu’avián causit de menar sos escolans a l’espectacle.

Revirat d’aprèp l’article de Jean-François Albert.

Lo collègi Calandreta de Pau espèra mudar d’aquí dos ans

Lo collègi Calandreta es installat dempuèi 2012 dins los locals del licèu Honoré Baradat. © Arquius Jean-philippe Gionnet .

Lo collègi Calandreta, installat dempuèi 2012 dins los locals del licèu Honoré-Baradat, deuriá mudar a la dintrada venenta, benlèu la seguenta.

Lo collègi  Calandreta deuriá mudar dins gaire de temps. la Region Nouvelle Aquitaine buta lo Departament a trapar una solucion per « albergar » dins un collègi aqueste establiment qu’aculhís 37 collegians dins los locals del licèu Honoré Baradat. « Çò mièlhs seriá de mudar a la dintrada venenta, mas s’es pas possible, la Region nos daissarà dins nòstres locals d’Honoré Baradat. Caldrà trapar una solucion per la dintrada seguenta », precisa Daniel Barneix, lo president de la federacion departamentala.

« Lo mai d’ora serà çò mièlhs »

Del costat del Departament, lo dorsièr es ja plan avançat, e lo trabalh de recèrca es en cors. « Trabalham sus diferentas ipotèsis per integrar lo collègi Calandreta dins un autre collège paulin. Lo mai d’ora serà çò mièlhs », espèra Denisa saint-Pé, vice-presidenta del conselh departamental en carga de l’educacion. Amb un efectiu qui poiriá doblar d’aquí qualques annadas, la question de l’albergament de collegians venguts de luènh comença èla tanben a se pausar que cinc familhas dels Pirenèus Nauts escolarisan sos enfants al collègi. Fins ara, los collegians son albergats dins de familhas d’acuèlh los diluns e dijòus de ser. La federacion desira ara anar mai luènh. « Lo projècte de desvolopament, es d’aver l’internat », espèra Brigitte Vergez, presidenta de l’associacion del collègi.

Tres escòlas dins l’Agglo, nòu en Bearn

En mai del collègi, i a nòu escòlas primàrias Calandreta dins lo departament, que tres son dins l’aglomeracion paulina. Coma al collègi, l’ensenhament s’i fa en immersion totala dins la lenga occitana. « Tot es mes en òbra per permetre al enfants d’ausir e practicar la lenga en permanéncia », precisa Daniel Barneix.

Entre aquestes establiments, la Calandreta Paulina, carrièra del Capitaine Guynemer, foguèt la primièra a dobrir. Èra en 1989. Dempuèi, lo succès se desmentís pas amb, notadament, la mesa en plaça d’un tièra d’espèra dempuèi lèu quatre ans. Solucion pels parents : las Calandreta de Lescar e Calandreta de Mazères ont i a pas de tièra d’espèra. Los diferents establiments an previst de jornadas pòrtas dobèrtas dins los jorns venents.

D’aprèp Kevin Estrade, La République des Pyrénées, publicat lo 22 de mars de 2017. k.estrade@pyrenees.com.

Un centre de lésers per las escòlas Calandreta de Besièrs a Sant Joan d’Aurelhan

Lo centre de lésers serà dobèrt a totes los enfants, calandrons o pas. (PIERRE SALIBA)

La Vila e l’associacion Calandreta La Clau besierenca, lo centre de lésers sens albergament ligat a las tres Calandretas de Besièrs, van signar una convencion d’ocupacion dels locals situats a Sant Joan d’Aurelhan, a la Devèsa. Amb un accès dirèct al fòrt bèl jardin public de Sant Joan d’Aurelhan.

Mudason aqueste estiu

Fins ara, lo centre aculhissiá los enfants de 3 a 12 ans de las Calandretas besierencas mas tanben d’endacòm mai, a l’escòla dels Falabreguièrs (7 carrièra Rouget-de-l’Isle). Deuriá mudar per poder dobrir pendent las vacanças d’estiu, puèi pendent tota l’annada, los dimècres e las pichòtas vacanças escolaras.

En alternança

La Clau partejarà doncas los locals en alternança, puèi que son, dempuèi 2004, utilizats los diluns, dimars, dijòus e divendres, de 9 h a 19 h, per l’associacion Autrement classe, que s’ocupa denfants, d’adolescents e de joves adults que sofrisson d’andicaps e de problèmas de desvolopament.

Dobèrt a totes los enfants, calandrons o pas.

D’aprèp Pierre Saliba. Article publicat dins Midi libre lo 21/03/2017.

Montpelhièr : Carnaval Calandreta

Calandrons, parents, emplegats e regents de las Calandreta dau Clapàs, Calandreta Candòla, Calandreta dau Chivalet e del collègi Calandreta Leon Còrdas, lo Teatre de las Originas, lo grop de musica Grail’Òli, lo Teatre La Vista e La Rampe TIO prepausèron dissabte 18 de mars un eveniment fòrt a l’escasença de Carnaval.

E lo Caramentrumpèt, cargat de totes los pecats foguèt plan jutjat e cremat !

Video sus lo ligam : http://france3-regions.francetvinfo.fr/occitanie/herault/montpellier-metropole/montpellier/400-enfants-calendrettes-ont-defile-montpellier-carnaval-occitan-1217313.html

Fòtos F. Joulié

DSC_3631

DSC_3662

 

 

 

 

 

DSC_3764(2)

 

DSC_3783

DSC_3856

DSC_3865

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

De nòvas de la calandreta Jansemineta

Los escolans escambièron amb lo grop La Mal Coiffée. FÒTOS A. C.

Los escolans ageneses de granda seccion e CP de la Calandreta rescontrèron lo grop vocal La Mal Coiffée, divendres 10 de mars, de tantòst. E coma sos membres s’exprimisson e cantan en occitan, es donc amb un « bonjorn, benvengut » que los escolans foguèron aculhits.

Aqueste establiment reconegut per l’Educacion Nacionala, es estat creat, quatre ans a, per Juliette Armagnac entre autres e es dirigit per Melodia Barthe. Sa particularitat es que sa primièra lenga d’expression es l’occitan. « Es una escòla associativa en immersion lingüistica lengadociana qu’aplica un ensenhament inspirat del metòd Freinet, precisa Juliette Armagnac. Los enfants començan l’aprendissatge de la lectura en occitan, puèi ven lo francés. I a 65 escòlas e 3 collègis d’aquesta mèna sus l’espaci occitan ».

Los escolans pausèron un fum de questions al grop que lor respondiá en occitan. Un rescontre que se poguèt far mercé a Marlène Jacques, del teatre Ducourneau d’Agen. Profiechèt de l’espectacle que La Mal coiffée balhava lo ser per metre en relacion l’escòla e las artistas. E es sus una cançon, en occitan de segur, que la jornada s’acabèt.  Puèi los enfants e sos parents assistiguèron a la representacion balhada en serada.

Adaptat d’un article publicat dins Sud Ouest lo per Alain Caillau .

La calandreta La Garriga entraina los liceans de Ginhac dins son carnaval.

Los dos establiments, a dos passes l’un de l’autre sul camin del Molin de Carabòta, menèron amassa lo carnaval. Afar tradicional occitan, la manifestacion se celèbra cada annada en fanfara a l’escòla Calandreta la Garriga.

Cants, musicas, folclòr e costumas èran doncas de sortida dijòus 2 de mars, mas per aquesta edicion, las pichòtas mans dels liceans de seccion « Service A la Personne et Aux Territoires » (SAPAT) del licèu agricòla de Ginhac confeccionèron los petaçons, vestits tradicionals  faches de bocitons de teissuts e estòfas al biais d’un patchwork.

La tradicion e lo folclòr de la Calandreta se convidan al licèu agricòla. (TC)
Lo carnaval aspergiguèt de sas colors la cor del licèu. (TC)

L’implicacion dels estudiants s’arrestèt pas aquí que los futurs professionals, per d’unes dels sector de la Pichòta enfància, prenguèron en man l’animacion del tantòst. Entrainèron los calandrons dins una farandòla carnavalenca per las alèas del licèu, e faguèron descobrir los bastiments a sos pichòts vesins.

L’animacion d’aqueste carnaval èra un projècte avalorat pels liceans de SAPAT. (TC)
La farandòla dels costumes que los liceans farguèron pels escolans de la Calandreta pendent lo Carnaval. (TC)
Los liceans de segonda, enquadrats per Florence Salotti, beneficièron de l’ajuda dels collegians de tresena d’Uriell Gomez per preparar las saquetas de confetis, fargar los decòrs e marcar los percors a la greda dins la cor.
Aqueste projècte, capelat per Myriam Gomez, encantèt parents e enfants que venguèron en familha participar al carnaval. Una collaboracion festiva, pasmens educativa, de renovelar !
Tiphaine Comby.
Adaptat de l’article publicat lo 11 de mars de 2017. Midi Libre.  / http://www.midilibre.fr

Carcassona : de Calandrons qualificats al concors de scrabble al nivèl regional !

La pròva que lo bilingüisme pòrta pas tòrt al francés.

Los mainatges de las classas de CE2, CM1 et CM2 de la calandreta de Carcassona participèron a un concors nacional de Scrabble.

Seis d’entre eles foguèron qualificats per la finala departamentala :

Maël G. (CE2)

Myriam P. (CM1)

Leïla P. (CM1)

Nil L. (CM2)

Charlyne M. (CM2)

Justine A. (CM1) foguèt remplaçada per Alex N. (CM2)

20170125_163334[1]

Nos contan :

Lo concors de Scrabble

Lo dimècres 25 de genièr de 2017, los nòstres galapians avián rendètz-vos a Rouffiac d’Aude per la seguida del concors. Tot lo mond foguèt plan urós de representar la nòstra escòla! La Raquèl nos venguèt balhar de vam.

Èrem un trentenat assetats a una taula individuala. Cadun aviá un jòc, una règla e dos bonbons per far passar lo stress que s’èra convidat el tanben…

D’en primièr, aprenguèrem las règlas del Scrabble Duplicate. Aicí, pas cap de plaça per l’azard. Totes aviam las meteissas letras causidas per l’ordenador. La tòca èra de formar lo mot que raportava lo mai de punts. Un jòc mai que complet: caliá èsser capable d’escriure un mot sens dèca, de comptar los punts e d’aver un pauc de malícia per lo pausar al bon endreit sul platèu!

Puèi la pauseta e la finala que se jovaga en 8 còps.

Dins l’espèra de las resultas, un gostar nos foguèt ofèrt.

Puèi venguèt la jòia d’ausir la Leïla acabar 4ena (2nda dels CM1!!), lo Maël 7en (1èr dels CE2 !), la Charlyne 12ena (6ena CM2), la Myriam 21ena (6ena CM1), l’Alex 23en (13en CM2) e lo Nil 30en (16en CM2).

Foguèt una jornada plan rica en emocions e una experiéncia plan interessanta !

Sèm fièrs d’aver representat l’escòla!!! Se l’an que ven i a un concors novèl, segur qu’i participarèm amb plaser !

20170125_165618[1]-1

Los mots dels finalistas :

Leïla : Quand aprenguèri qu’èri qualificada per la finala departamentala, es coma s’aviái aprés que lo Thomas Pesquet arribava dins la nòstra classa! Metèri totas mas fòrças lo grand jorn ! Èri estressada. Urosament, la Raquèl me diguèt que lo stress èra plan e que fasiá ganhar !

Quand la dòna m’apelèt 4ena, i anèri per reflèxe jols aplaudiments. Pensèri : « Leïla, es ieu o es qualqu’un mai ? »

Per ieu, èsser 4ena es coma s’èri la filha la mai urosa del mond.

Charlyne : Soi plan urosa d’èsser arribada fins aquí mas fòrça trista tanben per que voliái contunhar. Tant pis! Me soi plan amusada.

Nil : Quand arribèri a Rouffiac, aviái fòrça stress. Amb l’Alex, sus la taula, tremolavi mas m’amusèri plan e rigolèri fòrça amb lo grop. A la fin, la decepcion èra granda mas al final, passèri un moment fòrça bon e positiu e avèm plan rigolat.

Myriam : A la debuta de la partida, èri trׇòp estressada! Mas amb los encoratjaments de la Raquèl, foguèri contenta d’èsser una dels primièrs de l’escòla. En mai d’aquò, dempuèi aquel jorn, adòri jogar al Scrabble !

Alex : Pendent lo concors, èri fòrça estressat, èra fòrça dur. Aviái fòrça paur quand esperàvem las resultas. Aquela participacion me portèt fòrça causas.

Maël : Aviái ja jogat al Scrabble. Ai adorat. Èra tròp plan, aimi plan aquel jòc. Èri impacient de jogar.

E lo mot de la regenta, Raquèl : Quina fiertat d’acompanhar aqueles mainatges a la finala departamentala ! Véser la jòia, l’enveja de ganhar, lo vam d’aqueles enfants me faguèt un plaser infinit ! Soi urosa d’aver permés la descobèrta d’aquel jòc (per plan de mainatges èra lo primièr còp), de sentir tanben lo sostenh dels amics demorats a l’escòla. Una experiéncia plan rica per totes, mainatges e regents, que balha d’òli al molin, l’enveja de contunhar d’ensenhar dins una escòla diferenta e totjorn plena de projèctes de totas menas ! Felicitacions a totes e bon astre al Maël !

20170125_152528-1

L’aventura contunha…….

Lo MAEL, en tant que primièr CE2 del departament, es qualificat per la finala regionala que se debanarà a Ròcafòrt de las Corbièras lo dissabte 25 de març.

La Leïla, 2nda CM1, es en espèra de las resultas definitivas. Crosam los dets per que siá qualificada tanben !

D’aprèp  : Maël Gandossi, Nil Lorent, Charlyne Mallet, Alex Naudy, Myriam e Leïla Peyras amb l’ajuda de Raquèl Garcia.

 

Celebracion de la Carta de las libertats comunalas amb la calandreta Garoneta

16Le 11 janvier dernier – et comme chaque année – Toulouse a célébré l’anniversaire de la signature de la Charte des libertés communales : le 6 janvier 1189, le comte de Toulouse Raymond V reconnut officiellement l’existence de la Commune de Toulouse et de ses libertés publiques.

L’occasion de se pencher sur cet événement majeur de l’histoire toulousaine.

Une équipe de l’Edicion Occitana de France 3 région est allée à la rencontre de l’historien Rémy Pech et a ensuite assisté à la célébration dans la Salle des Illustres du Capitole en compagnie notamment des calandrons de la calandreta toulousaine Garoneta.

D’après un reportage de Sirine Tijani, Nathalie Fournis et Michel Blasco ; montage de Karin Glock,  p le

La Calandreta « Lo Becarut » en passejada naturalista

les-enfants-lors-de-la-promenade_848257_516x332

La classa de la Calandreta s’en anèt passejar pels puèges de la Palma amb per tòca de far un estat dels luòcs de las espècias vegetalas e animalas d’aqueste canton de las Corbièras.

Totes los enfants, los mai pichons coma los mai grands, poguèron descobrir las comunas a travèrs la biodiversitat, e es totjorn a l’entorn d’aqueste tèma que, per un an de mai, l’escòla manten e fa veire son estatut d’Eco-escòla !

« Marca-te a Calandreta! »
La Calandreta de Sijan començarà las inscripcions per l’annada escoara 2017-2018 tre lo mes de genièr de 2017.

Se desiratz mai d’entre-sènhas sus aquesta escòla associativa immersiva en occitan (afiliada a la Confederacion Calandreta, en contracte amb l’Educacion Nationala), podèts contactar Sebastian Oulès, cap d’establiment al : 07.83.44.20.88 ou s.oules@laposte.net

adaptat de l'artice de L'indépendant, del 5 decembre de 2016

Un ministre, un deputat e… un president

Dissabte passat, lo 19 de novembre, convidat pel Deputat Sebastien Denaja al repais republican de Florensac, Joan-Loís Blenet, co-president de la Confederacion Calandreta, , rescontrèt la Dòna Najat Vallaud-Belkacem, Ministra de l’Educacion Nacionala.

Manquèt pas de li far part dels problèmas e de las espèras de Calandreta !

najat-vallaud-belkacem-est-arrivee-entouree-par-le-depute_2182104_667x333
Fòto « Midi Libre »

Aquí lo ligam de l’article.

La Calandreta de Bocòna s’agrandís

Aquesta escòla nasquèt, en novembre de 2013, d’un projècte associatiu, uman e cultural. En rota cap a la contractualizacion amb l’Estat e sostenguda per la comuna de Leguevin, es gerida associativament pels parents.

201611231295-full
Una classa Calandreta./Fòto DDM, R. D.

Aquesta escòla far partida d’una ret que s’acampa en federacions departamentalas, regionalas e una confederacion. Respond a una Carta que definís son projècte global a l’entorn de 4 pilars : l’immersion en lenga occitana, la pedagogia que s’inspira de las tecnicas Freinet e de la pedagogia institucionala, la cultura occitana e s’associar per far escòla.

Tre la pichòta seccion de mairala, l’ensenhament en immersion mèna los enfants a descobrir una diversitat de lengas e culturas. Aquesta accion a per tòca de desvolopar un esperit de toleréncia e de respècte de la diferéncia. Aqueste aprendissatge de la lenga regionala se pòt concretisar pel passatge d’un brevet especial occitan en fin de 3èna. Per çò qu’es de la pedagogia, es dicha « activa » e s’inspira de la dinamica Freinet e de la pedagogia institucionala : balhar la pauraula a l’enfant, lo menar a l’autonomia, regular la vida de grop e se ne servir coma vector d’aprendissatge. Utiliza « d’institucions » e d’aisinas que van dins aqueste sens : lo Conselh, lo Qué de nòu, la correspondéncia, lo trabalh cooperatiu, l’auto-avaloracion… que vènon noirir los aprendissatges de l’escolan dins la tòca de las transpausar a la realitat de l’enfant fòra l’escòla… Dempuèi sa dobertura, lo concèpte agrada dins la regiona e l’escòla s’agrandís !

De fach, dempuèi setembre de 2016, la capacitat d’acuèlh dels escolans (calandrons) a doblat. Quand, en setembre de 2015, i aviá 13 enfants, una ensenhaira (regenta) e 2 ajudas mairalas, uèi son 25 escolans, 2 ensenhairas e 3 ajudas mairalas que se despartisson dins 2 classas de la pichòta seccion al CE1. L’ensenhament se perseguirà, a tèrme, fins al CM2. Se desiratz d’autras entre-senhas o tot simplament descobrir la Calandreta de Bocòna e son especificitat podètz contactar l’escòla sus : calandreta.bocona@gmail.com o seguir sas actualitats sus sa pagina Facebook « calandreta de bocona ».

Adaptat de l’article publicat lo 23/11/2016 per La Dépêche.

 

Joan-Loís Blenet : « volèm totei lei drechs per l’enfant ! »

Le président de la Confédération Calandreta – écoles associatives en occitan – saisit l’anniversaire de la signature française de la Convention Internationales des Droits de l’Enfant pour réclamer de l’Etat qu’il signe également son article 30 – celui qui reconnaît le droit de parler sa langue à l’enfant, dans son milieu ambiant.

 

JL Blénet : "quand l'offre d'enseignement est de qualité, la demande croît pour l'occitan. En reconnaissant le droit de l'enfant à parler sa langue, l'Etat verrait encore cette demande augmenter" (photo XDR)
JL Blénet : « quand l’offre d’enseignement est de qualité, la demande croît pour l’occitan. En reconnaissant le droit de l’enfant à parler sa langue, l’Etat verrait encore cette demande augmenter » (photo XDR)

Disètz que la França refusa de ratifiar l’article 30 de la Convencion Internacionala dei Drechs de l’Enfant, aquela que ditz qu’un enfant a lo drech d’emplegar sa lenga. Coma s’exprimís aqueu refùs ?

Nos vèn escondut per una publicitat messorguièra. La França valorisa la diversitat culturala d’un biais oficiau, e dins la realitat entrepacha que s’exprimisse . L’accion publica es d’afichar de drechs que ne’n son pas. En 1989, la signatura de la Convencion internacionala – mens son article 30 – nos a rementat que deja en 1966, la signatura francèsa dau Pacte Internacionau dei Drechs Civics e Politics, escafava premier l’article 27, aqueu que parlava dei drechs dei minoritats.

En realitat la lenga nòstra se parla quasi plus dins lei familhas, onte se transmete pas ais enfants. Am’aquò es que se pòu encara parlar de lenga dau país, s’es mòrta ?

Vos dirai que li a de monde per parlar, muma se podem pensar qu’aqueu nombre demenís. Mai podem pas taisar que nòstrei lengas regionalas fuguèron roïnadas. Vuei nos dison que plus degun ne’n demanda. Nosautres, ai Calandretas, ce que vesem, es qu’am’una ofèrta d’ensenhament de qualitat, aquela demanda aumenta. La reconoissença per la Convencion dei Drechs de l’Enfant devriá, amé de drechs reconoissuts, milhorar encara aquela qualitat, e mai la partejar dins lo monde educatiu.

La França reconois sei lengas au sieu, pas au defòra

Un enjeu pour l'enseignement des langues régionales qu'on parle moins en famille : maintenir le niveau des enseignants de demain (photo MN)
Un enjeu pour l’enseignement des langues régionales qu’on parle moins en famille : maintenir le niveau des enseignants de demain (photo MN)

Perqué lançar una campanha am’un comunicat a l’escasença de la Jornada Internacionala ?

Siam confrontas a la messòrga d’un Estat que ditz que nòstra lenga se parla pas. Es escquisofrenic : dins lo país ditz que lei lengas regionalas son dau patrimòni de la França, e au defòra ditz qu’existon pas !… A messòrga d’Estat, responsa dei Calandretas sota la forma d’un messatge clar. Maugrat la dificultat – e la negacion dau drech – la volontat dau public deis escòlas associativas en occitan fa créisser l’ofèrta d’ensenhament en lenga nòstra : ne’n siam ara a 65 escòlas, e tres Collègis, amé 3600 calandrons e 210 collegians, en auça de 5% en 2016. E a Montpelhier avèm en projèct de perseguir lo collègi per un licèu.

Dins un sistèmi escolari onte public e sector associatiu prepausan d’ensenhament en occitan, de qu’aduson lei Calandretas  ?

Auçan lo nivèu, la qualitat de l’ensenhament de la lenga – en immersion. E auçar lo nivèu es una exigéncia. Am’un nivèu febla, coma esperar deman de formar d’ensenhaires que podràn ensenhar vertadièrament l’occitan ? Mantenir lo nivèu es essenciau, bòrd qu’am’un occitan  mediòcre aurem jamai deman de bòn ensenhaires per faire passar la lenga a la generacion que l’entende pus a l’ostau.

communicat_premsa_calandreta_jornada_dreches_de_l__enfant.pdf communicat premsa Calandreta jornada dreches de l’enfant.pdf

Mardi 15 Novembre 2016 / Michel Neumuller / Aquò d’aqui

Dobèrta en 2015 l’escòla immersiva en occitan de Lavaudieu aculhís 16 escolans

2899011Escolans, professors e parents s’acampèron dimarç passat pel gostar de la dintrada, dins los locals de l’anciana e novèla escòla de Lavaudieu (uèi logada a de particulars).

L’aventura comencèt en Briudés en setembre de 2015. Un an mai tard, l’escòla immersiva en occitan de Lavaudieu compta 16 escolans. Dimarç, parents e escolans s’acampèron a l’ora del gostar.

Dins lo vilatge de Lavaudieu s’ausisson de crits d’enfants coma los autres. Mas lor escòla (e la lenga que parlan) es, fòra de comun.

Cinc escolans de mai

Creada per l’associacion Calandreta Ribeirona, quitament nascuda en 2013, es una escòla laíca associativa immersiva en occitan. E la formula fonciona. Per aquesta dintrada, comptan cinc escolans de mai, çò que pòrta lo nombre d’escolans a 16. Vènon de Lavaudieu, Briude, Paulhac, Autrac… « L’objectiu es d’arribar a 20 escolans » precisa Thomas Ganlut, membre de l’associacion Calandreta Ribeirona. Los escolans son dins una classa multinivèls, enquadrats per la regenta Isabèla Peatier, l’ajuda Anne-Lucie Huchet e tanben un servici civic.

Calandreta existís dempuèi trente ans e compta 65 escòlas, que 3 se trapan en Auvèrnhe (amb Puèi de Velai e Orlhac). « Es reconeguda per l’Educacion Nacionala e seguís son programa, explica Thomas Ganlut. Mas cal esperar cinc ans per obténer la contractualizacion de la classa e doncas lo finançament del salari de l’ensenhaire per l’Estat ». Per l’ora, son los eveniments organizats per l’associacion culturala e los parents que finançan l’escòla. « Èsser dins l’escòla demanda un engatjament dels bèls dels parents. »

En mai de l’ensenhament en lenga occitana, l’escòla aplica las tecnicas Freinet e Oury. Un aprendissatge en immersion e per l’experimentacion qu’agradèt a Gérard Barriol, vengut de Champanhac. Son filh de 5 ans, Leonard, arribèt ongan a l’escòla. « Çò que nos balhèt enveja, es lo sistèma educatiu que respècta lo ritme de cada enfant. L’estructura de la Calandreta revertava nòstra vision de l’educacion. »

En mai de la Calandreta, l’associacion Calandreta Ribeirona organiza tanben de gostarsÒc doberts al public, una dictada, un balèti/concèrt, un festenal de l’enfança…

D’aprèp Lydia Berthomieu

Formacion Cap d’Establiment

Los 11 e 12 d’octobre passats un vintenat de caps d’establiments Calandreta venguèt participar a las jornadas de formacion continua « Cap d’Establiment » dins los locals de la Confederacion a Montpelhièr.

dsc_0439

Venguts d’Aquitània, Auvèrnhe, Lemosin, Miègjorn-Pirenèus, Lengadòc e Provença los regents/caps d’establiments escambièron sus sas practicas, sos questionaments… Seguiguèron tanben doas intervencions sus las finanças e la Lei Debré e sus la situacion del cap d’establiment fàcia a las institucions Educacion Nacionala.

Còsta Pavada : la novèla Calandreta de Còsta Pavada inaugurada

Lors de l'inauguration, samedi./Photo DDM Th. G.
Pendent  l’inauguracion, dissabte./Fòto DDM Th. G.

Jean Luc Moudenc inaugurèt dissabte los novèls locals de la Calandreta , en preséncia de Miriam Bras, presidenta de la federacion departamentala Calandreta e de Cristina Noble, presidenta de la Calandreta Còsta Pavada. La Calandreta  quitèt  sos locals de l’escòla Armand Leygues a la demanda de l’Educacion Nacionala, en 2015. La comuna proposèt los ancians locals de l’escòla mairala Pugens-Limayrac per i desplegar sas activitats pedagogicas, en acòrdi amb l’implantacion istorica de l’associacion occitana dins lo barri. Las òbras de renovacion (155 000 € preses en carga per la vila) foguèron realizats pendent l’estiu de  2016, per fins que las còlas e los escolans i posquèsson far sa dintrada al 1èr de setembre.«La Calandreta de Còsta Pavada es la primièra creada a Tolosa, se faguèt  i a mai de 30 ans», remembrèt Jean-Michel Lattes, 1èr adjonch al conse, en carga de la cultura occitana.
Th. Gausserand

Revirada de l’article de La Dépêche. Publicat lo 03/10/2016

Un novèl director a l’escòla occitana de Peireguers

Les enseignants et leurs « calandrons » : Guilhem Villa, en haut à droite, et Charlotte Delage, en bas à gauche.

Los ensenhaires e lors calandrons : Guilhem Villa, en naut a drecha e
Charlotte Delage, en bas a esquèrra. © Denis Gilabert

Guilhem Villa succedís a Matèu Pragout. Rescontre

Dempuèi la dintrada escolara, la Calandreta de Peireguers a recrutat un novèl director, en remplaçament de Mateu Pragout, tornat dins son Lengadòc familial. Rescontre amb Guilhem Villa, 32 ans, que fa tanben lo professor a l’escòla occitana per immersion.

« Sud Ouest ». Qual es estat vòstre percors professional ?

Guillem Villa. Sei biarnés, d’Ortès, ai fait daus estudis de regent a l’IUFM, puei ai trabalhat coma assistant d’educacion pedagocic, professor de mat au collegi Pablo Picasso de Perigüers puei coma CPE (conseiller principal d’éducation, NDLR) a la ciutat escolaria Giraut de Bornelh en Essiduelh, jusca en junh. Ai totjorn agut lo project de far lo mestier de regent dempuei 5 anadas. En mai de quò, sei plan interessat per l’ornitologia, ai fait daus estudis e de las animacions dempuei dietz anadas.

E qué provoquèt vòstra venguda a laCalandreta ?

Quò comencet per un SMS de Charlota (Delatge, regenta per los pitits a la Calandreta), que coneisse bien. Ela me parlet de l’escòla emb estambòrd, ai passat las intervistas e me veiqui !

Quina preparacion per aquesta mèna de mission ?

D’en prumier, falia me botar a niveu en lenga. Ai estudiat pendant l’estiu coma ma femna Clementina a l’EOE (l’Escòla Occitana d’Estiu a Vilanòva d’Olt), onte ai rencontrat Micheu Chapduelh que fuguet mon professor. Ai rencontrat e parlat Joan Ganhaire tanben. Parle coma mon vesin de Brochau, e prenem totas las occasions de parlar coma ma femna. Aqui fasem mai de 50 % de l’ensenhament en occitan.

Qual es l’ambient de trabalh ?

Mateu Pragost faguèt un brave trabalh, l’ambiença s’es bien ameliorada l’an passat, a fait totplen de projets coma los eslevas, coma lo carnaval, chantar a la Felibrejada. Los membres de l’esquipa pedagogica s’endevenen plan ben. Avem lo sosten daus parents, dau bureu daus benevòles.

Sus quins projèctes anatz trabalhar dins los meses que vènon ?

Volem los far trabalhar sur las praticas paisanas e la diversitat locala : lo trabalh dau bois de fusta, lo visme per far los paniers, coneisser los auseus, lo vergier…

Mai d’infos sus  http://occitan.blogs.sudouest.fr/

De notar : pas de revirada de las responsas de Guilhem Villa qu’èran ja redigidas en occitan.

Albi – La cultura de l’occitan per las arts – Festenal dels Petits cailloux

Un talhièr maquilhatge fòrça presat. /Fòto DDM, P.G.

Èra pas necessari de parlar occitan per anar al festenal dels Petits cailloux. E i aviá fòrça familhas ièr sul sit de Prat graussals per aquesta manifestacion organizada per Albi occitan. Totes los enfants èran pas escolarizats a Calandreta, mas aquesta cinquèna edicion, que son succès es totjorn mai grand, èra lo mejan de sensibilizar los parents a la lenga occitana pel biais de la cultura e de las arts.

A 3 h del tantòst, mai de 500 personas se butassavan a l’entorn dels talhièrs. L’associacion qu’es en cèrca de benevòls aurà benlèu trapat demèst aqueste mond de personas volontàrias per s’investir. La Calandreta d’Albi es una escòla laíca e associativa, immersiva en occitan. L’escòla existís dempuèi setembre de 2008 e aculhís un cinquantenat d’escolans de la tota pichòta seccion al CM2.

Los enfants èran encantats per l’armosfèra de la jornada. Maquilhatge, acrobacia, dessenhs, fòrça jòcs èran prepausats. Lo solelh èra, el tanben, de la partida per balhar un bel ambient de fèsta a aqueste rendetz-vos.

Article adaptat de La Dépêche. Publicat lo 25/09/2016 a 03:52, Mes a jorn lo 25/09/2016 a 10:26

Calandreta Vilafranca de Lauragués : l’occitan, es pas sonque pels enfants !

I a de nòu del costat de la Calandreta, l’escòla immersiva en occitan, per aquesta dintrada de 2016. L’associacion a, entre autre, previst d’organizar des corses pel adults.

Los futurs bilingües occitan-francés an tornat prene lo camin de l’escòla.

Dijòus 1èr de setembre, la Calandreta de Lauragués, escòla associativa immersiva en occitan installada a Vilafranca de Lauragués, tornava dobrir sas pòrtas al 3 avenguda de Carcassona.

Ongan, 8 escolans aprofièchan dels corses dins lo prefabricat : dos en pichòta seccion, dos en mejana seccion e quatre en granda seccion (contra 6 escolans en tot la primièra annada). Per ara l’esòla pòt aculhir fins a 10 escolans.

( de legir tanben : À quoi ressemble la Calandreta ?)

Cal tanben soslinhar l’arribada d’una novèla ensenhaira, la renovacion de la cort de recreança d’ara en davant mai granda e la creacion d’una dintrada novèla.

Lèu un terren novèl per la Calandreta

Se las pòrtas de la Calandreta dobriguèron en debuta d’annada sul terren de l’avenguda de Carcassona, l’associacion a trapat un endrech novèl per installar son prefabricat. Pasmens, coma lo permes de bastir es pas encara valid, l’annada se debanarà dins los locals costumièrs. De mai las recèrcas s’arestaràn pas aquí.

« L’ideal seriá totjorn d’aver un bastiment «  en dur « », precisan Priscille Paccoud e Marlène Ratel, membres de l’associacion Calandreta de Lauragués. A l’ora d’ara, sabon pas encara quora la Calandreta se podrà installar dins de locals novèls.

De corses pels adults

Mas ongan çò de mai novèl es l’organizacion de corses per adults !

L’idèa venguèt pas de nautres, explica Priscille Paccoud. Al forum de las associacions de Vilafranca, nos es estat demandat mantuns còps se prepausàvem de corses pels adults e ongan, sèm capables d’o far qu’avèm dos benevòls que se ne pòdon cargar.

Aital, cada dimarç fòra vacanças escolaras e tre setembre, los corses se debanaràn de 20 h 30 à 21 h 30 dins la sala de l’anciana percepcion, placèta del general de Gaulle (a costat de la bibliotèca e en fàcia de la Pòsta).

I a ja qualques personas marcadas mas l’associacion pòt aculhir fins a 20 personas. La tarifa es de 90 euros l’annada, e 5 euros de mai d’inscripcion a l’associacion.

Infòs
Per se marcar als corses per adults : www.calandreta-du-lauragais.org o 06 68 54 55 77.

D’aprèp Florian Moutafian. Voix du Midi Laurageais. Publicat lo 17/09/2016.

Una novèla escòla occitana ven de dobrir

Autour de Manon, enseignante en occitan, les jeunes élèves de la Calandreta./Photo DDM.

A l’entorn de Manon, ensenhaira, los joves escolans de la Calandreta./fòto DDM.

Nòu escolans vènon d’integrar una tota novèla escòla mairala bilingüa, laíca e associativa, la Calandreta deth Coserans. Al 36, avenguda Gallieni, Manon, l’ensenhaira acuèlha los calandrons. Lo planpè d’aqueste ostal, amb una sala de classa, una sala de dormida e un jardin dels bèls per las recreanças, foguèt entierament alestit pels parents pendent l’estiu. L’escòla es afiliada a la federacion Calandreta de Miègjorn-Pirenèus que compta mai d’un vintenat d’establiments sul territòri. Aquesta mèna d’establiment utiliza lo metòde de l’immersion lingüistica tre la mairala per fin de valorizar e de desenvolopar las capacitats d’enfants joves-joves a aquesir una segonda lenga e a mestrejar doas lengas d’un biais equivalent.

Rendètz-vos dissabte per l’inauguracion

Las Calandretas s’inspiran de las tecnicas Freinet e de la pedagogia institucionala, balhar a paraula a l’enfant, lo menar a l’autonomia, favorizar la vida de grop. Utiliza d’aisinas pedagogicas que van dins aqueste sens : lo Conselh, lo Qué de nòu, la correspondància escolara, lo trabalh cooperatiu, l’autoavaloracion.

Julien, lo paire de Ninon, es encantat de la dobertura de la Calandreta : «Fa mai d’un an qu’avèm començada aquesta aventura associativa. Lo jorn de la dintrada es un bèl abotiment per nòstres enfants ! Mas l’aventura fa pas que començar e se perseguirà l’annada tota, al quotidian. Nos cal organizar d’eveniments que permetràn de finançar e far viure la Calandreta.»

Los parents mercèjan los donators que permetèron a la Calandreta de San Girons de se lançar. De mai es totjorn possible de sosténer aqueste projècte en far un don. La volontat de l’escòla es de far viure la lenga d’òc e de promòure la cultura occitana sul territòri. L’inauguracion de l’escòla, festiva, en musica, se debanarà dissabte.

Contact : Calandreta deth Coserans, 36, avenue Gallieni à Saint-Girons ; calandreta.deth.coserans@gmail.com ; Tél. 06 43 52 80 56 ; occitan-couserans.jimdo.com

Revirada de l’article del 06/09/2016 de La Dépêche du Midi.

Inauguracion dels novèls locals de la Calandreta d’Albi

L’escòla Calandreta vei mai grand

Les écoliers sont heureux dans leurs nouveaux locaux./ Photo DDM, E.C

Los escolans son uroses dins lors locals novèls / Photo DDM, E.C

 

Djòus de ser, l’escòla Calandreta d’Albi inaugurava sos novèls locals installats al 44 carrièra Croix-Verte, a dos passes del centre-villa. La mudason de l’escòla associativa occitana, en data del 1èr de mars, es la consequéncia de la decision de la Comuna de balhar l’ancian emplaçament (Square Amirial-Abrial) al Centre social de Lapanouse-Saint-Martin-Jarlard. Una nòva puslèu plan aculhida per l’escòla que s’arrèsta pas de créisser. Mas abans que los escolans i posquèsson pausar definitivament son cartable, lo camin foguèt long. Al mes d’agost passat, quand aquesiguèron los locals,  » i aviá tot de far », explica Amelia Labat, presidenta de l’Associacion Calandreta, que gerís l’escòla e lo recrutament de las ajudas-mairalas. « Èra pas qu’un èrm, lo vuèg total ».

«Un vertadièr movement popular»

La renovacion dels locals se faguèt sus 7 meses, d’agost de 2015 al mes de febrièr passat. L’associacion Calandreta, que financèt una partida de las òbras, joslinha un « vertadièr movement popular ». Un seissantenat de benevòls, fòra los parents d’escolans, nos venguèron ajudar a tornar metre los luòcs en estat », explica la presidenta. Los professionals prestèron de material quand los particulièrs aportèron una ajuda financièra. « Mas, delà d’aquestes dons generoses, lo mond prenguèron sus son temps personal per balhar a l’escòla aquestes novèls locals. Venián trabalhar las dimenjadas e los sers en setmana », s’estona encara Amelia Labat reconéissenta.

Los benevòls, totes convidats a l’inauguracion dijòus de ser, se sentisson totjorn far partida de la vida de l’escòla e contunhan de portar de mobilièr. Un movement de solidaritat que balhèt lo mot d’òrdre del talh long dels meses : la bona umor.

Uèi, l’escòla Calandreta d’Albi es plan installada carrièra Croix-Verte. Lo crapàs e la polsa an desaparegut per daissar plaça a un luòc pròpri e sanitós. Sus las parets, se pòdon ara legir los jorns de la setmana e los meses de l’annada, en occitan. L’escòla aculhís tres classas de la tota pichòta seccion al CM2, siá pas mens de 45 dròlles que sos corses son assegurats per tres ensenhaires : dos estacats a l’Educacion Nacionala e un a la Federacion regionala Calandreta.

Revirada del artcile de F.C – LADEPECHE.fr. Publicat le 18/06/2016.

Calandreta e Ikastola acampadas dins lo meteis luòc

 

calandreta et ikastolaLes responsables de Calandreta et Seaska ont détaillé leur projet d’école par immersion © PHOTO M.-C. I.

Divendres, un quinzenat de familhas participèron a l’acamp organizat per Calandreta e Seaska per presentar lor projècte de creacion d’un grop escolar en immersion gascon-basc, au Bocau, en preséncia d’un detzenat d’elegits : lo conse de Bocau, la deputada, lo conselhièr departamental, mantuns representants d’associacions bascas e gasconas.

Segon los organizators, lo projècte es innovant. S’agirà de mutualizar de locals en tot crear d’establiments juridicament distincts – un per cada lenga – cadun en contracte e reconegut per l’Educacion Nacionala, gerit per una associacion (parents, etc…)

La causida d’un projècte d’implantacion d’una Ikastola a Bocau foguèt determinat pel recensament d’un potencial d’un trentenat d’enfants de Bocau, Tarnos et de Senhans escolarizats dins las Ikastola de l’aglomeracion. De mai, Bocau seriá la sola comuna dels Pirenèus-Atlantics de mai de 5 000 estatjants de pas aver son Ikastola.

Per la dintrada de 2017

L’objectiu de las doas associacions es de dobrir de classas de mairala per l’aprendissatge del basc e del gascon, en immersion a la dintrada de 2017, puèi de perseguir amb la dobertura, cada annada, de nivèls novèls. Segon lo responsable de Calandreta, basta de 4 a 5 enfants de 2 a 4 ans per dobrir una classa de mairala en gascon, lo complement d’efectiu monta en cors d’annada per emulacion.

Es relativament optimista : « aquí sèm en Gasconha. » Emai se a la fin de la serada una sola familha aviá mostrat son interest per una Calandreta contra uèit familhas interessadas per una Ikastola.

Concuréncia public-privat

Abans, pendent la presentacion de caduna de las escòlas, los responsables de las associacions organizatrices lausèron las vertuts de l’immersion que « consistís a immergir l’enfant dins un banh lingüistic tot al long de la jornada ».

Lo conse, Francis Gonzalez, diguèt sa preferéncia per l’immersion, lausada per Seaska, a las classas bilingüas de l’ensenhament public, defendudas per una participanta que citava l’experiéncia de l’escòla publica de Sant Martin de Senhans.

La question de la concuréncia entre escòlas publicas bocalèsas e escòla privada Ikastola o Calandreta foguèt abordada jos l’angle dels efectius, una classa de mairala bocalèsa estent menaçada a 4 o 5 inscripcions prèp (« Sud Ouest » del 15 de febrièr).

Marie-Ange Thébaud, adjoncha al conse, s’es volguda rasseguranta e estima que l’escòla publica « patirà pas d’aquesta dobertura ».

Revirada de l’article de Marie-Claude Ihuel – Sudouest.fr –  lo 7 de junh de 2016