Mobilizacion per una politica lingüistica occitana dins los Pirenèus Atlantics

Tòca-i se gausas !  Es amb aquesta celèbra mesa en garda de Gaston Fébus que de militants occitans manifestèron ièr a Pau e encara aqueste matin. Protestan contra una baissa programada del budgèt dedicat a la politica lingüistica pel departament dels Pirenèus Atlantics. Vertat es que lo programa Iniciativas èra lo mai ambiciós al nivèl dels departaments. Aqueste budgèt poiriá èsser redusit de manièra drastica e risca d’èsser votat dins las oras venentas.

Action hier. Photo des militants

Accion ièr davant lo conselh departamental de Pau. Fòto del collectiu

Es pas la primièra accion menada pels occitans en Bearn per demandar mai de mejans e mai de visibilitat per la lenga. Avián ganhat en matièra de budgèt  qu’èra lo departament que balhava mai per l’occitan. Aqueste matin encara, davant lo Parlament de Navarra, metèron la pression suls elegits e sul president Jean-Jacques Lasserre. Lo conselh departamental del 64 risca doncas de demolir çò que prenguèt fòrça temps per se bastir. Sus son blòg, David Grosclaude reagís e remarca qu’aquesta decision interven quasi  1 an aprèp la debuta de sa cauma de la fam. Mai d’informacions sul site Facebook del Collectiu.

Ce matin. Photo du collectif