A 8mn50 del ligam çai-jos, reportatge del 19-20 de France 3 lo 6 de junh de 2018

https://france3-regions.francetvinfo.fr/occitanie/emissions/jt-1920-languedoc-roussillon

Son un pichòt detzenat, plòu, e los passants se fan rares. Mas aquò a pas gaire d’importància, que venguèron defendre un bèla causa : aquesta de la subrevida d’una lenga. A Carcassona e dins 4 autras vilas de la Region Occitania (Montpelhièr, Tolosa, Albi e Rodés), las associacions occitanistas acampadas dins lo Collectiu Occitan organizavan un Aperitiu reivindicatiu davant los locals de la television regionala publica.

«En 1982, aprèp de manifestacions bèlas, la cadena FR3 creava l’emissionViure al país. Dempuèi, gaireben pas res de mai, senon 5 mn d’occitan lo dissabte de ser», expliquèt Jean-Pierre Laval (País Nostre), quitament ancian jornalista de la cadena venguda uèi  France 3.

Escotèt plan, diluns, las anóncias de la ministra de la Cultura Françoise Nyssen, qu’a dins l’idèa de triplar los descrocatges regionals sul servici public. «Demandam pas una cadena tota en occitan, mas una preséncia quotidiana de la lenga», explica Jean-Pierre Laval. Lo «Collectiu» (que regropa 12 associacions) prepausèt als conses de far votar una mocion a son conselh municipal. Pòrt la Novèla o faguèt. Narbona l’a marcada a l’òrdre del jorn del conselh venent….

Extrach de l’article paregut dins la Dépêche lo 13 de junh de 2018