Artifalha a la Calandreta del Galhaguès

La Calandreta del Galhaguès organiza son artifalha lo dimenge 25 de setembre de 2016 !

Se debanarà sus la placèta Joffre de Galhac, amb , sus plaça, restauracion e beguda. Los beneficis collectats seràn utils per metre en plaça los projèctes pedagogics de l’escòla. Tarifa : 3 € del mètre, 2 mètres minimum. Inscripcions al 06 64 64 27 55 o per mail a l’adreça : vide.grenier.oc@gmail.com.

La Calandreta de Galhac, qu’es aquò ? Escòla associativa fondada sus l’immersion en lenga occitana e la pedagogia activa, la Calandreta de Galhac, dobriguèt en 2008 amb 5 calandrons, mercé a la mobilizacion e a la determinacion de qualques familhas, sostengudas per la federacion Calandreta de Miègjorn-Pirenèus. Uèi un seissantenat d’escolans es marcat de la pichòta seccion de mairala al CM2. Las escòlas Calandreta fan partida d’un grand movement e son constituidas de quatre pilars fondamentals. Son d’escòlas associativas, l’escòla viu doncas mercé a l’investiment de cada parent per fin de permetre un bon foncionament. Los parents e la còla educativa s’assòcian per far escòla.

Un autre element essencial de las escòlas Calandreta es l’aprendissatge de l’occitan per l’immersion : es la lenga parlada a l’escòla e los enfants aprenon a legir e escriure en occitan. Lo francés interven coma una lenga estrangièra al CE2, a rason de 2 h per setmana per arribar a 6 h per setmana al CM2. Enfin, Calandreta utiliza una pedagogia institucionala inspirada dels metòdes actius, coma Freinet, Oury, que permet, entre autres, de desvolopar l’autonomia dels enfants, dins lo respècte de lor ritme d’aprendissatge.

Revirat de La Dépêche du Midi. ladepeche.fr. Lo 11 de setembre de 2016