Calandreta de Vilafranca de Lauragués

Divendres, un girls band occitan

 

villefranche de lauragais
Le trio Cocanha divendres en concert al foyer rural. /Photo DR

Divendres 21 d’abril, al foyer rural de Vilafranca de Lauragués (a costat de la comuna), a comptar de 20h30, la Calandreta de Lauragués, organiza un concert amb lo grop Cocanha. Amb Tolosa coma luòc de rescontre e la lenga occitana coma terren de jòc vocal, las filhas de Cocanha fan esclantir en còr los repertòris pirenencs, gascons, lengadocians. Lo son es brut, generós, sincèr. Un triò de «girls band occitan» per un concert a dançar o un baleti que s’escota amb elegància, umor e caractèr. Aquestas tres voces, aquestas tres personalitats venon partejar una subrebèla serada, al profièch de la Calandreta de Vilafranca.

Lo prètz de dintrada serà liure.

Per mai d’entresenhas contactar la Calandreta de Lauragués sus son site internet www.calandreta-du-lauragais.org o al 06 68 54 55 77.

Ne saupre mai sus http://www.ladepeche.fr/article/2017/04/18/2558253-vendredi-un-girls-band-occitan.html#OiQVoF0XzlV0lMKS.99

 Adaptacion de l’article publicat lo 18/04/17 per La Dépêche du Midi.