Calandreta lo Cigal : Silence, filmam…

Bisan1

« Sètz en dirèct sus TV Lo Cigal », son los primièrs mots de Tarek e Yannis, que, amb Adèle, passan la pòrta d’entrada de la comuna. Jornalistas d’un jorn, venon entrevistar Alain Fabre, lo conse, sul tèma : la Calandreta e la comuna. A l’imatge Youri, al son Marius, nòstra pichòta còla es en plaça. Shankar, lo regent, Maxime e Sarah los mènan, mas son plan los calandrons qu’òbran. La tòca, un documentari de 26 minutas, co-finançat per LO CIRDÒC. Quala es la plaça de la Calandreta a Bisan ? Las questions son precisas, lo ròtle del conse, la dificultat d’èsser conse, la rason e la biais de la venguda de l’escòla a Bisan, perqué dins un vilatge ? Puèi Alain Fabre explica, Lo Vergel, 2008, l’anciana gara, la clavadura dels establiments Rieux, Philippe Assié, ancian adjonch e sa volontat de gardar la Calandreta a Bisan, lo sosten de la comuna, la creacion d’un barri novèl amb l’ostal de santat, la farmacia, la zòna artesanala… « E mercé a aquesta aventura, la tradicion e la cultura occitanas que perduran ».

Del correspondant de l’Indépendant, paregut lo 29/06/18

Bisan 2