Carcassona : tres jorns de deslassament a l’escòla associativa Calandreta

img6
imagte: http://www.ladepeche.fr/images/pictos/image-zoom.png

Lo benaise es a l’onor per aquesta dimenjada de Pascas ! Per la cinquena annada de reng, l’associacion Calandreta de Carcassona organiza de «Jornadas del benaise», del dissabte 15 al diluns 17 d’abril, de 11 h a 19 h, a l’escòla Calandreta de Ciutat (1), dins la ciutat. Pendent tres jorns, los parents de l’escòla associativa poponejaràn los vesitaires.

Al programa : massatge de l’esquina, del crani o de las mans, manucura, talhièrs de reflexologia plantara, o encara bar a prangièra. Una beguda, un taulièr de maquilhatge pels enfants e una gardariá gratuita vos seràn tanben prepausats. Lo diluns a miègjorn, los benevòls cosinaràn la tradicionala moleta de Pascas per un repais convivial. «La totalitat dels beneficis dels tres jorns serviràn a finançar nòstra escòla associativa» explica Isabelle Dufranc. «Los parents son fòrça investits e nos ajudan a recoltar d’argent per l’escòla de lors enfants. Lor implicacion nos permet de garantir de prestacions de qualitat, sens aver a aumentar lo prètz coma se passariá s’aviam recors a de professionals», contunha. Lo prètz es fixat a partir de 6 €, e aquel dels prètzfaches va de 10 € a 20 €.

Un mejan original de finançar l’escòla

La Calandreta (que vòl dire «jove lauseta» o «aprendís») de Carcassona es una escòla associativa qu’a per tòca de transmetre la lenga e la cultura occitanas tre la mairala. L’associacion eponima es l’estructure gestionària de l’escòla. Assegura son bon foncionament, e permet tanben de li trapar de

finançaments. Se los escotissons dels parents e las ajudas de l’Estat son una sorsa de finançament important, las recèptas de las manifestacions organizadas per l’associacion son una vertadièra ajuda. E las «Jornadas del benaise» representan una de las manifestacions mai gròssas de l’escòla associativa. . «La comunicacion orala fonciona plan e aquestas jornadas son sovent una capitada» explica Isabelle Dufranc. Espèra que, a l’exemple de las precedentas edicions, aquestas «Jornadas del benaise» seràn coronadas de succès.

(1) 27 carrièra del Plô

A.R.   Publicat lo 13/04/2017  dins La Depeche