CALANDRETA

UN PAUC D’ISTÒRIA

1980 : creacion de la 1èra escòla Calandreta a Pau per de biarneses « Cap e tot » que volián que los enfants poguèsson aprene dins la lenga del país e que s’inspiravan del modèl bascol amb las Ikastolas. La meteissa annada se dobrissiá una autra Calandreta a Besièrs. Lo movement Calandreta èra nascut.

1994 : signatura del « Protocòl d’acòrdi » amb l’Educacion Nacionala. Calandreta es d’ara endavant en contracte d’associacion.

1997 : dobertura del primièr collègi Calandreta Leon Còrdas, a Latas a costat de Montpelhièr (lo collègi mudèt puèi a Montpelhièr).

Aital, al cap de 20 ans d’existéncia, Calandreta perlonguèt aqueste ensenhament al segondari per fin de permetre als escolans qu’o desiravan de contunhar l’ensenhament immersiu segon los principis pedagogics aplicats a Calandreta.

2005 : dobertura del « Collègi Calandreta de Gasconha » a Pau.

2013 : dobertura del « Collègi Calandreta del Pais Tolzan » a Tolosa.

Uèi : Calandreta, es 68 establiments dins lo sud de França (65 escòlas primàrias e 3 collègis).

 des-enfants-de-la-calandreta-avec-herve-loussert-le_243688_516x343

Publicacion : Calandreta, mai de 30 ans de creacions pedagogicas

 livre30ans_calandreta
Aqueste obratge recampa mantuns testimònis (anecdòtas, elements d’analisas, articles de premsa, fotografias comentadas) sus tot çò que representa Calandreta (bilingüisme, congrèsses, classas e classas de descobèrtas, fèstas, vida associativa, eca…)
En venda al prètz de 18€, fraisses de pòrt en mai (a l’entorn de 7€).
Comanda possibla a l’adreça mail de la confederacion Calandreta.