Devenir regent

Volètz venir ensenhaire a Calandreta ?

Cada an, APRENE – Establiment d’ensenhament superior occitan – recruta mond que vòlon venir professors de las escòlas a Calandreta.

Avaloracion duberta : « La jurada »

La jurada es una avaloracion duberta a totes los que desiran ensenhar dins una escòla Calandreta. Es pas un concors.
Las escòlas Calandreta son d’escòlas bilingüas ont la lenga ensenhaira es l’occitan. Los enfants scolarisats a Calandreta venon en màger part d’ostals ont la lenga mairala es lo francés. Lo desfís prepausat als ensenhaires de Calandreta es de transmetre la lenga occitana d’un biais natural amb una imersion complèta a l’escòla. En mai de la lenga, transmeton tanben la cultura occitana.

Inscripcion

 

L’inscripcion se fa en linha :

  • Telecargar, emplenar electronicament e registrar lo formulari per que lo contengut siá plan salvagardat. 

  • Mandar a aprene@aprene.org lo formulari d’inscripcion completat acompanhat d’un CV e d’un tèxt per explicar son desir d’ensenhar en occitan.

La preparacion

 

  • Prene contacte amb una Calandreta per demandar l’autorizacion de viure (escotar e observar) una mièja jornada o una jornada dins una classa.

  • Causir demèst qualques obratges e legir las ressorças a posita per descobrir mai çò qu’es l’immersion, la pedagogia institucionala e las tecnicas Freinet.

Sa validacion es indispensabla per ensenhar dins las escòlas Calandreta amb títol de « Regent o Regenta ». Sa tòca es de menar cada estudiant al nivèl de competéncia B2[1] en occitan e l’ajudar a se bastir una pedagogia adaptada[2].

Las escòlas Calandreta son d’escòlas bilingüas ont la lenga ensenhanta es l’occitan. Los enfants escolarizats a Calandreta son, en majoritat, eissits de fogals que la lenga mairala i es lo francés. Lo desfís prepausat als ensenhaires de Calandreta es de transmetre la lenga occitana d’un biais natural en prepausar l’immersion complèta a l’escòla. En mai de la lenga, transmèton tanben la cultura occitana.

A la fin de l’annada d’Aprene1, cada « calandrina » o « calandrin » aurà viscuda una annada d’immersion en occitan dins 4 escòlas Calandreta al mens : mantunas setmanas de vida de classa e d’escòla dins una tòca professionala.
Aurà rescontrat la realitat del movement associatiu Calandreta. Aurà apres a preparar la classa (fichas de preparacion, quasèrn de bòrd), a far una leiçon en saupre definir un objectiu, a avalorar los aquesits dels « calandrons » mercé a un dispositiu d’avaloracion formativa, a organizar un emplec de temps de classa, a organizar una sortida e metre en plaça un projècte pedagogic, a pensar sa classa amb las aisinas e las institucions adaptadas. Serà capable de portar la lenga occitana de contunh tant a l’oral coma a l’escrich.

[1] Nivèl definit pel Cadre Europèu Comun de Referéncia per las lengas.

[2] En referéncia a la Carta Calandreta adoptada lo 21 de mai de 2005 a Limós

[3] Estudiant en formacion a APRENE.

La competéncia de validacion del dispositiu es despartit entre APRENE e las Federacions Regionalas.

Sens la validacion d’aquesta annada Aprene 2, serà pas possible de perseguir lo cursus.

Las escòlas Calandreta, e sos usancièrs, enfants e parents, an besonh de regents formats a la pedagogia del bilingüisme per immersion, en aplicacion de la Carta Calandreta. Aprene i trabalha dempuèi mai de 20 ans, mercé a un cursus de formacion que comença per l’annada Aprene1.

MASTER Educacion Formacion APRENE / ISLRF (MEF)

Aquesta formacion, menada per APRENE e l’ISLRF, permetrà en doas annadas de completar e aprigondir la formacion pedagogica e lingüistica dels estudiants e de los preparar al concors del CRPE.

Pel segond gra

 

La nominacion d’un ensenhaire dins un establiment d’ensenhament Calandreta en contracte d’associacion amb
l’Estat necessita, al regard de la legislacion e de la reglementacion en vigor [1], l’acòrdi del cap d’establiment.
Lo cap d’establiment Calandreta es tengut de donar o de refusar son acòrdi de tal biais de garantir lo respècte
del caractèr pròpri de l’establiment e lo pòt sonque refusar a un candidat qu’auriá pas obtengut de per abans un
agrat confederal de Calandreta.
Un agrat confederal es necessari per ensenhar dins un establiment Calandreta, que siá associat a l’Estat per
contracte o non. Jòga pels establiments Calandreta un ròtle identic al ròtle de l’« acòrdi collegial » dich tanben
« acòrdi prealable » pels establiments catolics e n’es distint, – degun pòt èsser autorizat a ensenhar dins un esta-
bliment Calandreta del sol fait qu’auriá recebut un acòrdi « collegial » o « prealable » de las instàncias de l’en-
senhament catolic – o de tota autra ret – qu’es valable sonque pels establiments que relèvan d’aquela ret conside-
rada. Tota deliberacion d’una comission consultativa mixta o decision de l’administracion que tendriá pas
compte d’aquesta especificitat del caractèr pròpri de Calandreta e la necessitat d’un agrat prealable confederal
seriá sens validitat.
Rampelam en particular que Calandreta pren pas part a cap « d’acòrdi sus l’emplec », aqueles dispositius to-
cant, a nòstra coneissénça, lo sol ensenhament catolic.
L’agrat confederal de Calandreta es decernit per las instàncias confederalas, segon las règlas qu’arrèstan, en
foncion del projècte del postulant, de sos aptituds, de sa formacion e de son engatjament, a l’esgard del projècte
de Calandreta e del caractèr pròpri dels establiments Calandreta, exprimits en particular dins la Carta Calandre-
ta. L’agrat pòt èsser provisòri, probatòri o definitiu, es valable per l’ensemble dels establiments Calandreta.
Aquela procedura s’aplica als candidats als concorses de recrutament que devon obténer l’agrat confederal Ca-
landreta definitiu abans las espròvas d’admission. S’aplica tanben als candidats foncionaris o titulars d’un
contracte definitiu dins l’ensenhament privat fòra Calandreta, que devon obténer l’agrat confederal definitiu Ca-
landreta abans de postular al movement. Es aconselhat als unes e als autres de ne se preocupar lo mai d’ora pos-
sible.
La Confederacion Calandreta pòt delegar a las federacions regionalas la capacitat de donar a de candidats en-
senhaires un agrat Calandreta provisòri, notadament per s’acarar als besonhs de recrutaments de suplents.
Per obténer l’ agrat confederal definitiu de Calandreta , i a de camins diferents pel primièr grà e segond
grà. Las modalitats ne son descrichas dins los documents “Procedura”.

L’Agrat es desliurat pel Conselh Confederal de la Formacion del Segond Gra compausat
de representants de la Confederacion Calandreta, de l’Establiment d’Ensenhament Superior
APRENE, de caps d’establiments Calandreta del segond gra, de paissèls de la formacion de
segond gra.
L’Agrat Calandreta permet de verificar e de validar :
– que lo candidat a ensenhat dins un establiment Calandreta del segond gra, contratualizat o
pas.
– qu’a seguit de formacions pedagogicas e linguisticas validadas pel Conselh Confederal de la
Formacion pel Segond Gra en ligam amb l’establiment d’Ensenhament Superior APRENE,
que seguís lo camin professional de cada ensenhaira de Calandreta.
– qu’a las capacitats a metre en òbra la Pedagogia Calandreta (definida dins lo tèxte de
referéncia confederal), l’immersion en Occitan (far cors en occitan, produsir de material
pedagogic en occitan, parlar en occitan dins tota la vida del collègi o del licèu).
Situacions dels candidats :
– Novelaris qu’an ja ensenhat dins un establiment Calandreta del segond gra
Benefician d’un agrat provisòri. Lor camin de formacion e los escalons per obténer l’agrat per
anar al concors (definitiu escalon 1) puèi l’agrat definitiu escalon 3 es descrich çai-jós.
– Regents adralhats del primièr gra qu’an ja lo CRPE
Benefician ja d’un agrat definitiu Calandreta : per passar de l’agrat definitiu 1er gra a l’agrat
definitiu 2nd gra, cal passar dabans una comission compausada del cap d’establiment, d’un
sòci del CCFS, per se veire desliurar l’agrat definitiu segond gra (escalon 3).
– Regents adralhats del primièr gra qu’an pas passat lo CRPE
Benefician ja d’un agrat definitiu Calandreta : per passar de l’agrat definitiu 1er gra a l’agrat
definitiu 2nd gra, cal passar dabans una comission compausada del cap d’establiment, d’un
sòci del CCFS, per se veire desliurar l’agrat definitiu segond gra (escalon 1) que lor permetrà
de passar un concors 2nd gra.
– Professors del public o del privat non calandreta qu’an ja un concors
Benefician pas de cap d’agrat Calandreta :
1. Calandreta pòt refusar la mesa en pòste per respècte del caractèri pròpri (formalizat per
l’abséncia d’agrat Calandreta);
2. Se lo cap d’establiment que rencontra lo professor es favorable a son recrutament,
prepausa a una comission del CCFS de lo rescontrar per un entreten ; al cap de la validacion
d’un camin de formacion definit per la comission e adaptat als besonhs en lenga e pedagogia,
l’agrat serà definitiu (mas demòra lo pb del supòrt de pòste d’aquel temps, vesèm pas de
solucion endefòra de fisar d’oras fòra contracte a quel candidat)- Monde d’endefòra admeses al concors e que demandan a far l’estagi dins un establiment
Calandreta Benefician pas de cap d’agrat Calandreta :
1. Calandreta pòt refusar la mesa en pòste per respècte del caractèri pròpri (formalizat per
l’abséncia d’agrat Calandreta);
2. Se lo cap d’establiment, après aver rencontrat lo professor, es favorable a son
recrutament, prepausa al CCFS de considerar sa candidatura per un agrat probatòri ; un
entreten del professor serà necite amb una comission del CCFS ; al cap de la validacion d’un
camin de formacion definit per la comission e adaptat als besonhs en lenga e pedagogia,
l’agrat (agrat definitiu escalon 3) per la titularisacion poiriá èsser donat.
Camin de titularisacion dels ensenhaires recrutats coma novelaris (estatut de Mèstres
auxiliaris o contracte privat)
L’agrat provisòri es acordat pel CCFS per delegacion de la confederacion al moment del
recrutament coma novelàri per una installacion per un an complet.
Quand l’ensenhaire es afortit dins son projècte d’ensenhar a calandreta e de passar un concors,
n’assabenta son cap d’establiment. Se lo cap d’establiment n’es consent, prepausa un rencontre
a l’ensenhaire amb una comission del CCFS per li permetre d’obténer un agrat probatòri que
valida lo camin de formacion ja fach e que definís lo camin que demòra a far. Se lo candidat
valida aquel camin, obtendrà l’agrat definitiu par anar al concors (agrat definitiu escalon 1).
Un còp lo concors capitat, lo candidat demanda al cap d’establiment de l’aculhir per son
annada d’estagi dins l’establiment. Lo cap d’establiment acepta la proposicion d’afectacion del
laureat al concors del Rectorat se lo CCFS a balhat l’agrat definitiu per l’estagi post-concors
(agrat definitiu escalon 2).
Un còp l’estagi validat, Lo cap d’establiment signa la proposicion de nominacion mandada pel
Rectorat se lo CCFS a balhat l’agrat definitiu per la titularisacion (agrat definitiu escalon 3).
Camin de formacion pels calandrins
Los regents en formacion qu’an validada l’annada de Aprene1 passan en Aprene2. Quand an
validat Aprene2, son adralhats e l’agrat definitiu per anar al concors (escalon 1) lor pòt
èsser balhat se las oras vacantas dins la disciplina del concors causit existísson.
Un còp lo concors capitat, lo candidat demanda al cap d’establiment de l’aculhir per son
annada d’estagi dins l’establiment. Lo cap d’establiment acepta la proposicion d’afectacion del
laureat al concors del Rectorat se lo CCFS a balhat l’agrat definitiu per l’estagi post-concors
(agrat definitiu escalon 2).
Un còp l’estagi validat, Lo cap d’establiment signa la proposicion de nominacion mandada pel
Rectorat se lo CCFS a balhat l’agrat definitiu per la titularisacion (agrat definitiu escalon 3).
Lo camin de formacion : las exigéncias
– lo camin de lenga : lo nivèl C1 en occitan es exigit.
– la pedagogia Calandreta : lo candidat deurà aver seguit e validat una formacion a la
Pedagogia Calandreta desliurada per Aprene, siá en formacion iniciala en Aprene1, siá en
formacion de contunh amb de paissèls segondari.
– participacion a la vida de l’associacion, de l’establiment e del movement.