Efectius

Calandreta

Calandreta transmet la lenga e la cultura occitanas als enfants en assegurar lor escolarizacion en immersion tota tre la mairala.

Lo francés dintra dins la vida escolara en fin de CP, un còp que l’enfant sap legir en occitan. Camina puèi cap a las autras lengas e culturas en s’apiejar sus l’occitan coma lenga vertebrala.

Los establiments segondaris Calandreta valorizan aquel bilingüisme que permet a l’enfant d’arribar a un plurilingüisme en fin de tresena e de capitar lo brevet amb d’espròvas en occitan.

Qualques chifras

En 2017, Calandreta es [1] :
- 67 escòlas, 4 collègis e 1 licèu repartits sus 19 departaments.
- 3 894 enfants escolarizats (3 603 per 1er gra / 291 per 2nd gra).
- 223 ensenhaires.
- Mai de 300 emplegats non ensenhaires.
- Milièrs d’associatius.

Per federacion las chifras son :

Federacion Aquitània : 623 enfants per 16 escòlas e 1 collègi
- Mairala e elementari : 575
- Collègi : 48

Federacion Lengadòc : 1 968 enfants per 24 escòlas, 2 collègis e 1 licèu
- Mairala e elementari : 1771
- Collègi : 197

Federacion Miègjorn Pirenèus : 1 038 enfants per 21 escòlas e 1 collègi
- Mairala e elementari : 992
- Collègi : 46

Federacion Lemosin : 54 enfants per 1 escòla

Federacion Auvèrnha : 88 enfants per 3 escòlas

Federacion Provença : 123 enfants per 2 escòlas

[1] chifras de setembre de 2017