Lo collègi Calandreta de Pau espèra mudar d’aquí dos ans

Lo collègi Calandreta es installat dempuèi 2012 dins los locals del licèu Honoré Baradat. © Arquius Jean-philippe Gionnet .

Lo collègi Calandreta, installat dempuèi 2012 dins los locals del licèu Honoré-Baradat, deuriá mudar a la dintrada venenta, benlèu la seguenta.

Lo collègi  Calandreta deuriá mudar dins gaire de temps. la Region Nouvelle Aquitaine buta lo Departament a trapar una solucion per « albergar » dins un collègi aqueste establiment qu’aculhís 37 collegians dins los locals del licèu Honoré Baradat. « Çò mièlhs seriá de mudar a la dintrada venenta, mas s’es pas possible, la Region nos daissarà dins nòstres locals d’Honoré Baradat. Caldrà trapar una solucion per la dintrada seguenta », precisa Daniel Barneix, lo president de la federacion departamentala.

« Lo mai d’ora serà çò mièlhs »

Del costat del Departament, lo dorsièr es ja plan avançat, e lo trabalh de recèrca es en cors. « Trabalham sus diferentas ipotèsis per integrar lo collègi Calandreta dins un autre collège paulin. Lo mai d’ora serà çò mièlhs », espèra Denisa saint-Pé, vice-presidenta del conselh departamental en carga de l’educacion. Amb un efectiu qui poiriá doblar d’aquí qualques annadas, la question de l’albergament de collegians venguts de luènh comença èla tanben a se pausar que cinc familhas dels Pirenèus Nauts escolarisan sos enfants al collègi. Fins ara, los collegians son albergats dins de familhas d’acuèlh los diluns e dijòus de ser. La federacion desira ara anar mai luènh. « Lo projècte de desvolopament, es d’aver l’internat », espèra Brigitte Vergez, presidenta de l’associacion del collègi.

Tres escòlas dins l’Agglo, nòu en Bearn

En mai del collègi, i a nòu escòlas primàrias Calandreta dins lo departament, que tres son dins l’aglomeracion paulina. Coma al collègi, l’ensenhament s’i fa en immersion totala dins la lenga occitana. « Tot es mes en òbra per permetre al enfants d’ausir e practicar la lenga en permanéncia », precisa Daniel Barneix.

Entre aquestes establiments, la Calandreta Paulina, carrièra del Capitaine Guynemer, foguèt la primièra a dobrir. Èra en 1989. Dempuèi, lo succès se desmentís pas amb, notadament, la mesa en plaça d’un tièra d’espèra dempuèi lèu quatre ans. Solucion pels parents : las Calandreta de Lescar e Calandreta de Mazères ont i a pas de tièra d’espèra. Los diferents establiments an previst de jornadas pòrtas dobèrtas dins los jorns venents.

D’aprèp Kevin Estrade, La République des Pyrénées, publicat lo 22 de mars de 2017. k.estrade@pyrenees.com.

Pàmias, l’escòla Calandreta dobrís las pòrtas – 25 de mars

Escòla associativa, laïca, en contracte amb l’Estat. Aculhís los enfants de la Tota Pichòta Seccion de mairala al CM2, dins 3 classas d’un vintenat de plaças. Sa particularitat : l’aprendissatge de l’occitan en immersion. Los mejans utilizats : de pedagogias activas (Freinet entre autras), l’implicacion fòrta dels parents dins la vida de l’escòla, la dobertura sus las culturas d’aquí e d’endacòm mai…

Se vos pausatz de question coma « mas a qué pòt servir d’èsser bilingüe en occitan ? » o « qué se passa en classa, e dins lo cervèl dels enfants quand seguisson aqueste ensenhament ? », podètz venir assistir a la conferéncia que vos prepausam a 15h30, sul tèma « Lo bilingüisme aboriu en occitan : perqué ? cossí ? ». Emilie Chorin, jove cercaira en sciéncia del lengatge, nos presentarà aqueste subjècte que tractèt, en partida, dins sa tèsi e respondrà a las questions. Es gratuit e dobèrt a totes !

La Calandreta es albergada dins los locals de l’espaci occitan.

Aqueste espaci cultural dobrirà tanben las pòrtas lo 25 de mars, meteisses oraris que la Calandreta, per presentar las activitats de las associacions Lauseta (associacion culturala pel sosten e lo desvolopament de l’occitan : corses de cants, de dança, festenals…) e l’IEO (institut d’estudis occitans : corses d’occitan, bibliotèca, centre de ressorças, conferéncias e animacions…)

L’escòla Calandreta dobrirà las pòrtas lo dissabte 25 de mars de 10 h a 18 h al 11 carrièra Henri Fabre – Zac de Pic – a Pàmias.

Contact calandreta : 05 61 60 58 08 / lacalandreta09@orange.fr

Film « Calandreta, una escòla per doman » : www.calandretamip.org

Jornada occitana a la calandreta La Dauna de Pessac

Ongan tornamai, la calandreta La Dauna organiza sa jornada occitana.

Dòna Delphine Lafon, Presidenta de l’associacion Calandreta de la Dauna, los membres de l’associacion, la còla pedagogica e los calandrons, an lo plaser de vos convidar : lo 25 de mars de 2017 a 19h a la sala Bellegrave de Peçac.

Aprèp los espectacles e animacions « jove public » en jornada, un aperitiu convivial acamparà totes los participants abans lo començament d’aquesta tradicionala serada occitana.

kgeodcjdekkmgnkp

Un centre de lésers per las escòlas Calandreta de Besièrs a Sant Joan d’Aurelhan

Lo centre de lésers serà dobèrt a totes los enfants, calandrons o pas. (PIERRE SALIBA)

La Vila e l’associacion Calandreta La Clau besierenca, lo centre de lésers sens albergament ligat a las tres Calandretas de Besièrs, van signar una convencion d’ocupacion dels locals situats a Sant Joan d’Aurelhan, a la Devèsa. Amb un accès dirèct al fòrt bèl jardin public de Sant Joan d’Aurelhan.

Mudason aqueste estiu

Fins ara, lo centre aculhissiá los enfants de 3 a 12 ans de las Calandretas besierencas mas tanben d’endacòm mai, a l’escòla dels Falabreguièrs (7 carrièra Rouget-de-l’Isle). Deuriá mudar per poder dobrir pendent las vacanças d’estiu, puèi pendent tota l’annada, los dimècres e las pichòtas vacanças escolaras.

En alternança

La Clau partejarà doncas los locals en alternança, puèi que son, dempuèi 2004, utilizats los diluns, dimars, dijòus e divendres, de 9 h a 19 h, per l’associacion Autrement classe, que s’ocupa denfants, d’adolescents e de joves adults que sofrisson d’andicaps e de problèmas de desvolopament.

Dobèrt a totes los enfants, calandrons o pas.

D’aprèp Pierre Saliba. Article publicat dins Midi libre lo 21/03/2017.

Montpelhièr : Carnaval Calandreta

Calandrons, parents, emplegats e regents de las Calandreta dau Clapàs, Calandreta Candòla, Calandreta dau Chivalet e del collègi Calandreta Leon Còrdas, lo Teatre de las Originas, lo grop de musica Grail’Òli, lo Teatre La Vista e La Rampe TIO prepausèron dissabte 18 de mars un eveniment fòrt a l’escasença de Carnaval.

E lo Caramentrumpèt, cargat de totes los pecats foguèt plan jutjat e cremat !

Video sus lo ligam : http://france3-regions.francetvinfo.fr/occitanie/herault/montpellier-metropole/montpellier/400-enfants-calendrettes-ont-defile-montpellier-carnaval-occitan-1217313.html

Fòtos F. Joulié

DSC_3631

DSC_3662

 

 

 

 

 

DSC_3764(2)

 

DSC_3783

DSC_3856

DSC_3865

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Pàmias : quand l’occitan vos para los braces a la Calandreta

«Pòrtas dobèrtas»

Sandra Bernard e Jean-Marc Saint-Michel vos espèran per las « pòrtas dobèrtas » de la Calandreta, lo 25 de mars./ Fòto DDM, R.S

La Calandreta, albergada dins los locals de l’espaci occitan, organiza sas « pòrtas dobèrtas » coma cada annada. L’escasença de descobrir l’aprendissatge de la lenga d’òc en immersion.

La dintrada es ja deman ! Es per aquò que l’escòla bilingüa Calandreta organiza « sas pòrtas dobèrtas » lo dissabte 25 de mars, de 10 oras a 18 oras. Aurètz tanben l’oportunitat de vesitar La Lauseta e l’IEO (Institut d’Estudis Occitans). « Cada annada, organizam las « pòrtas dobèrtas » per far conéisser la pedagogia e la particularitat de la Calandreta, qu’es l’immersion en lenga regionala. Presentam l’escòla e explicam sas especificitats », indica Sandra Bernard, cap d’establiment e regenta en classa de mairala.

De fach, dins aquesta escòla associativa en contracte amb l’Estat, l’occitan es aprés en immersion. L’enfant parla, ausís parlar l’occitan tot lo manne del jorn,  aital memoriza de mots e cap a 5 ans es capable de ne dire qualques uns. E per Jean-Marc Saint-Michel, copresident de l’associacion, l’occitan pòrta tanben de valors. « La lenga occitana permet de se dobrir sus las lengas romanas. l’enfant renfòrça tanben sa lenga mairala, que totas las letras se pronóncian. L’escolan establís una palanca entre las doas lengas. Dins un monde cambiadís, es important de tornar a sas rasigas per se dobrir al mond de deman.  E mai la region se sona Occitània ». Mas dins aquesta escòla qu’aculhís los dròlles del TPS al CM2, los parents an tanben un ròtle de jogar, e es quitament l’un dels credo de l’establiment, coma nos ditz Sandra Bernard. « Cadun pòrta sa part e cada parent s’investís a son nivèl. Dins aquesta escòla associativa, lo far-amassa es fòrça important, aquí lo « nos » es mai important que non pas lo « ieu ». Los dròlles, la familha e los ensenhaires an de formar un sol grop ».

Conferéncia sul bilingüisme

Son doncas los grands de l’escòla (CM 2) que vos faràn vesitar las diferentas classas. Serà seguit d’una presentacion del ritme d’una jornada, de las pedagogias activas… tot aquò jos forma d’una vidèo que presenta l’estructura, « per rendre la vesita interactiva »,  apond Sandra Bernard. Una intervenaira balharà una conferéncia sul tèma de sa tèsi « Lo bilingüisme aboriu en occitan : perqué ? cossí ? ». Costat animacion, d’activitats seràn proposadas a l’entorn de la partida culturala (dança, cant…) E se vòstre enfant pòt pas pus quitar la lenga d’òc aprèp son passatge a Calandreta, es possible de contunhar d’estudiar al collègi calandreta de Tolosa.

« Pòrtas dobèrtas » lo dissabte 25 de mars, de 10 oras a 18 oras. A gràtis e dobèrt a totes.

De nòvas de la calandreta Jansemineta

Los escolans escambièron amb lo grop La Mal Coiffée. FÒTOS A. C.

Los escolans ageneses de granda seccion e CP de la Calandreta rescontrèron lo grop vocal La Mal Coiffée, divendres 10 de mars, de tantòst. E coma sos membres s’exprimisson e cantan en occitan, es donc amb un « bonjorn, benvengut » que los escolans foguèron aculhits.

Aqueste establiment reconegut per l’Educacion Nacionala, es estat creat, quatre ans a, per Juliette Armagnac entre autres e es dirigit per Melodia Barthe. Sa particularitat es que sa primièra lenga d’expression es l’occitan. « Es una escòla associativa en immersion lingüistica lengadociana qu’aplica un ensenhament inspirat del metòd Freinet, precisa Juliette Armagnac. Los enfants començan l’aprendissatge de la lectura en occitan, puèi ven lo francés. I a 65 escòlas e 3 collègis d’aquesta mèna sus l’espaci occitan ».

Los escolans pausèron un fum de questions al grop que lor respondiá en occitan. Un rescontre que se poguèt far mercé a Marlène Jacques, del teatre Ducourneau d’Agen. Profiechèt de l’espectacle que La Mal coiffée balhava lo ser per metre en relacion l’escòla e las artistas. E es sus una cançon, en occitan de segur, que la jornada s’acabèt.  Puèi los enfants e sos parents assistiguèron a la representacion balhada en serada.

Adaptat d’un article publicat dins Sud Ouest lo per Alain Caillau .

CARNAVAL o la festa del mond al revèrs a Montpelhièr

Dissabte 18 de Març de 2017 a 15 oras. Plan Reial del Peiros (Peyrou) – MONTPELHIER

Montpelhièrencs, montpelhièrencas, pichons, grandas, malfotuts o maravelhous… Venètz festejar la fin de l’ivern e lo retorn de la lutz. Emparatz-vos del cortègi e fasètz montar la carnavalina !

Organizator : INTER’CAL (colectiu de las calandretas et del colègi occitan Leon Cordas) / Productor : LA VISTA Théâtre de la Méditerranée / Coordinacion artistica : Théâtre des Origines

Musica : GRAIL’OLI

A l’iniciativa de l’associacion INTER’CAL e din l’encastre d’una residéncia de territori portada per LA VISTA, las escolas calandretas Candola, Dau Clapas, Dau Chivalet e lo colègi occitan Leon Cordas an beneficiat de Decembre de 2016 cap a Mars de 2017 del saber de las comedianas del Théâtre des Origines din lo domèni de las practicas ritualas e dels imaginaïres propri al Carnaval.

400 enfants actaïres de la maïrala al colègi, 400 vestits fargats pels parents de las calandretas jos la direccion de Sûan Czepczynski, estilista e costumièra professionala… 5 meses de preparacion !

Una organizacion INTER’CAL, 600 actaïres-carnavalencs (enfants, adults), una engèniaria carnavalenca pensada pel Théâtre des Origines, una produccion de LA VISTA, una particion musicala dels contagios GRAIL’OLI .

Program :

15h : Dubertura del carnaval plan Reial del Peyrou seguit del passa-carrièras : carrièra de la Merci, carrièra del Faubourg del Corrau, carrièra St Guilhem, plan del Mercat de las flors, retorn al Peiros per la carrièra Foch.

17h : Jujament del CARAMENTRANT seguit de sa cremacion – Plan Reial del Peiros.

Un projècte sostengut per La Region OCCITANIA Pirenèus-Mediterranea e la Comuna de MONTPELHIER.

carnaval-2017-page-002 carnaval-2017-page-003 carnaval-2017-page-004 carnaval-2017-page-005 carnaval-2017-page-006

La calandreta La Garriga entraina los liceans de ginhac dins son carnaval.

Los dos establiments, a dos passes l’un de l’autre sul camin del Molin de Carabòta, menèron amassa lo carnaval. Afar tradicional occitan, la manifestacion se celèbra cada annada en fanfara a l’escòla Calandreta la Garriga.

Cants, musicas, folclòr e costumas èran doncas de sortida dijòus 2 de mars, mas per aquesta edicion, las pichòtas mans dels liceans de seccion « Service A la Personne et Aux Territoires » (SAPAT) del licèu agricòla de Ginhac confeccionèron los petaçons, vestits tradicionals  faches de bocitons de teissuts e estòfas al biais d’un patchwork.

La tradicion e lo folclòr de la Calandreta se convidan al licèu agricòla. (TC)
Lo carnaval aspergiguèt de sas colors la cor del licèu. (TC)

L’implicacion dels estudiants s’arrestèt pas aquí que los futurs professionals, per d’unes dels sector de la Pichòta enfància, prenguèron en man l’animacion del tantòst. Entrainèron los calandrons dins una farandòla carnavalenca per las alèas del licèu, e faguèron descobrir los bastiments a sos pichòts vesins.

L’animacion d’aqueste carnaval èra un projècte avalorat pels liceans de SAPAT. (TC)
La farandòla dels costumes que los liceans farguèron pels escolans de la Calandreta pendent lo Carnaval. (TC)
Los liceans de segonda, enquadrats per Florence Salotti, beneficièron de l’ajuda dels collegians de tresena d’Uriell Gomez per preparar las saquetas de confetis, fargar los decòrs e marcar los percors a la greda dins la cor.
Aqueste projècte, capelat per Myriam Gomez, encantèt parents e enfants que venguèron en familha participar al carnaval. Una collaboracion festiva, pasmens educativa, de renovelar !
Tiphaine Comby.
Adaptat de l’article publicat lo 11 de mars de 2017. Midi Libre.  / http://www.midilibre.fr

Carcassona : de Calandrons qualificats al concors de scrabble al nivèl regional !

La pròva que lo bilingüisme pòrta pas tòrt al francés.

Los mainatges de las classas de CE2, CM1 et CM2 de la calandreta de Carcassona participèron a un concors nacional de Scrabble.

Seis d’entre eles foguèron qualificats per la finala departamentala :

Maël G. (CE2)

Myriam P. (CM1)

Leïla P. (CM1)

Nil L. (CM2)

Charlyne M. (CM2)

Justine A. (CM1) foguèt remplaçada per Alex N. (CM2)

20170125_163334[1]

Nos contan :

Lo concors de Scrabble

Lo dimècres 25 de genièr de 2017, los nòstres galapians avián rendètz-vos a Rouffiac d’Aude per la seguida del concors. Tot lo mond foguèt plan urós de representar la nòstra escòla! La Raquèl nos venguèt balhar de vam.

Èrem un trentenat assetats a una taula individuala. Cadun aviá un jòc, una règla e dos bonbons per far passar lo stress que s’èra convidat el tanben…

D’en primièr, aprenguèrem las règlas del Scrabble Duplicate. Aicí, pas cap de plaça per l’azard. Totes aviam las meteissas letras causidas per l’ordenador. La tòca èra de formar lo mot que raportava lo mai de punts. Un jòc mai que complet: caliá èsser capable d’escriure un mot sens dèca, de comptar los punts e d’aver un pauc de malícia per lo pausar al bon endreit sul platèu!

Puèi la pauseta e la finala que se jovaga en 8 còps.

Dins l’espèra de las resultas, un gostar nos foguèt ofèrt.

Puèi venguèt la jòia d’ausir la Leïla acabar 4ena (2nda dels CM1!!), lo Maël 7en (1èr dels CE2 !), la Charlyne 12ena (6ena CM2), la Myriam 21ena (6ena CM1), l’Alex 23en (13en CM2) e lo Nil 30en (16en CM2).

Foguèt una jornada plan rica en emocions e una experiéncia plan interessanta !

Sèm fièrs d’aver representat l’escòla!!! Se l’an que ven i a un concors novèl, segur qu’i participarèm amb plaser !

20170125_165618[1]-1

Los mots dels finalistas :

Leïla : Quand aprenguèri qu’èri qualificada per la finala departamentala, es coma s’aviái aprés que lo Thomas Pesquet arribava dins la nòstra classa! Metèri totas mas fòrças lo grand jorn ! Èri estressada. Urosament, la Raquèl me diguèt que lo stress èra plan e que fasiá ganhar !

Quand la dòna m’apelèt 4ena, i anèri per reflèxe jols aplaudiments. Pensèri : « Leïla, es ieu o es qualqu’un mai ? »

Per ieu, èsser 4ena es coma s’èri la filha la mai urosa del mond.

Charlyne : Soi plan urosa d’èsser arribada fins aquí mas fòrça trista tanben per que voliái contunhar. Tant pis! Me soi plan amusada.

Nil : Quand arribèri a Rouffiac, aviái fòrça stress. Amb l’Alex, sus la taula, tremolavi mas m’amusèri plan e rigolèri fòrça amb lo grop. A la fin, la decepcion èra granda mas al final, passèri un moment fòrça bon e positiu e avèm plan rigolat.

Myriam : A la debuta de la partida, èri trׇòp estressada! Mas amb los encoratjaments de la Raquèl, foguèri contenta d’èsser una dels primièrs de l’escòla. En mai d’aquò, dempuèi aquel jorn, adòri jogar al Scrabble !

Alex : Pendent lo concors, èri fòrça estressat, èra fòrça dur. Aviái fòrça paur quand esperàvem las resultas. Aquela participacion me portèt fòrça causas.

Maël : Aviái ja jogat al Scrabble. Ai adorat. Èra tròp plan, aimi plan aquel jòc. Èri impacient de jogar.

E lo mot de la regenta, Raquèl : Quina fiertat d’acompanhar aqueles mainatges a la finala departamentala ! Véser la jòia, l’enveja de ganhar, lo vam d’aqueles enfants me faguèt un plaser infinit ! Soi urosa d’aver permés la descobèrta d’aquel jòc (per plan de mainatges èra lo primièr còp), de sentir tanben lo sostenh dels amics demorats a l’escòla. Una experiéncia plan rica per totes, mainatges e regents, que balha d’òli al molin, l’enveja de contunhar d’ensenhar dins una escòla diferenta e totjorn plena de projèctes de totas menas ! Felicitacions a totes e bon astre al Maël !

20170125_152528-1

L’aventura contunha…….

Lo MAEL, en tant que primièr CE2 del departament, es qualificat per la finala regionala que se debanarà a Ròcafòrt de las Corbièras lo dissabte 25 de març.

La Leïla, 2nda CM1, es en espèra de las resultas definitivas. Crosam los dets per que siá qualificada tanben !

D’aprèp  : Maël Gandossi, Nil Lorent, Charlyne Mallet, Alex Naudy, Myriam e Leïla Peyras amb l’ajuda de Raquèl Garcia.

 

Celebracion de la Carta de las libertats comunalas amb la calandreta Garoneta

16Le 11 janvier dernier – et comme chaque année – Toulouse a célébré l’anniversaire de la signature de la Charte des libertés communales : le 6 janvier 1189, le comte de Toulouse Raymond V reconnut officiellement l’existence de la Commune de Toulouse et de ses libertés publiques.

L’occasion de se pencher sur cet événement majeur de l’histoire toulousaine.

Une équipe de l’Edicion Occitana de France 3 région est allée à la rencontre de l’historien Rémy Pech et a ensuite assisté à la célébration dans la Salle des Illustres du Capitole en compagnie notamment des calandrons de la calandreta toulousaine Garoneta.

D’après un reportage de Sirine Tijani, Nathalie Fournis et Michel Blasco ; montage de Karin Glock,  p le

Magia de Nadal a la Calandreta de Carcassona

Es la segonda annada que la Calandreta prepausa, dins l’encastre de la Magia de Nadal, una vesprada jol signe de la tradicion occitana.

Lo dimècres 7 de decembre, 140 personas venguèron partejar aquel moment plan agradiu a la sala Joë Bousquet.

L’Alan Roch contèt d’istòrias polidas, de còps en francés, de còps en occitan. Faguèt passar un messatge de patz jos l’agach atentiu dels mainatges. Puèi los Calandrons cantèron los nadalets tradicionals.

magie-de-noel1

Per acabar, los espectators tastèron los 13 dessèrts de Nadal en tota convivialitat. E demèst aqueles dessèrts, la famosa pompa a l’òli cosinada pels calandrons !

magie3

Calandreta de Castanet. La magia de Nadal agirà a la sala Jacques Brel

Un espectacle sul tèma de Nadal , destinat, de segur, a un public larg, enfants, grands enfants, grands grands enfants. Un programa amb fòrça numèros interactius (e òc, se caldrà susar la camisa…) e de numèros visuals per nos embalausir. Nòstre fachilhièr vos farà descobrir e gostar fòrça domènis de la presditigitacion : magia en general, magia comica, manipulacions, mentalisme, grandas illusions…

A l’entracte, vos congostaretz de las pastissariás dels parents de l’escòla, e vos podretz riscar al sòrt per ganhar un libre de prestidigitacion. En un mot, un rendetz-vos familial de mancar pas per plan començar las vacanças (e, aquò fasent, sosténer nòstra escòla associativa).

L’entrada es a 8 euros, 6 euros pels enfants e 7 euros /5 euros en pre-venda al 06 80 37 59 82.

Als talhièrs de Nadal, los visitors poguèron descobrir d’expausicions originalas : los coissins en forma de nívols creats per Lulu Chocho, artesana cordurièra e musico-terapeuta, que lo gost per la cordura li foguèt transmes per sa maire tre la pichòta enfança. E tanben, las lampas de veire e de papièr japonés e nepalés, del lum doç e de la polidas colors, d’Aurelia, e de jòias, d’idèas originalas pels presents de Nadal.

Lulu Chocho, nívol ròsa en man e Aurelia, amb sas lampas a l’endarrièr./Fòto DDM,S.B.

D'aprèp La Dépêche du Midi, ladepeche.fr, lo 06 décembre de 2016

La Calandreta « Lo Becarut » en passejada naturalista

les-enfants-lors-de-la-promenade_848257_516x332

La classa de la Calandreta s’en anèt passejar pels puèges de la Palma amb per tòca de far un estat dels luòcs de las espècias vegetalas e animalas d’aqueste canton de las Corbièras.

Totes los enfants, los mai pichons coma los mai grands, poguèron descobrir las comunas a travèrs la biodiversitat, e es totjorn a l’entorn d’aqueste tèma que, per un an de mai, l’escòla manten e fa veire son estatut d’Eco-escòla !

« Marca-te a Calandreta! »
La Calandreta de Sijan començarà las inscripcions per l’annada escoara 2017-2018 tre lo mes de genièr de 2017.

Se desiratz mai d’entre-sènhas sus aquesta escòla associativa immersiva en occitan (afiliada a la Confederacion Calandreta, en contracte amb l’Educacion Nationala), podèts contactar Sebastian Oulès, cap d’establiment al : 07.83.44.20.88 ou s.oules@laposte.net

adaptat de l'artice de L'indépendant, del 5 decembre de 2016

Un ministre, un deputat e… un president

Dissabte passat, lo 19 de novembre, convidat pel Deputat Sebastien Denaja al repais republican de Florensac, Joan-Loís Blenet, co-president de la Confederacion Calandreta, , rescontrèt la Dòna Najat Vallaud-Belkacem, Ministra de l’Educacion Nacionala.

Manquèt pas de li far part dels problèmas e de las espèras de Calandreta !

najat-vallaud-belkacem-est-arrivee-entouree-par-le-depute_2182104_667x333
Fòto « Midi Libre »

Aquí lo ligam de l’article.

La Calandreta de Bocòna s’agrandís

Aquesta escòla nasquèt, en novembre de 2013, d’un projècte associatiu, uman e cultural. En rota cap a la contractualizacion amb l’Estat e sostenguda per la comuna de Leguevin, es gerida associativament pels parents.

201611231295-full
Una classa Calandreta./Fòto DDM, R. D.

Aquesta escòla far partida d’una ret que s’acampa en federacions departamentalas, regionalas e una confederacion. Respond a una Carta que definís son projècte global a l’entorn de 4 pilars : l’immersion en lenga occitana, la pedagogia que s’inspira de las tecnicas Freinet e de la pedagogia institucionala, la cultura occitana e s’associar per far escòla.

Tre la pichòta seccion de mairala, l’ensenhament en immersion mèna los enfants a descobrir una diversitat de lengas e culturas. Aquesta accion a per tòca de desvolopar un esperit de toleréncia e de respècte de la diferéncia. Aqueste aprendissatge de la lenga regionala se pòt concretisar pel passatge d’un brevet especial occitan en fin de 3èna. Per çò qu’es de la pedagogia, es dicha « activa » e s’inspira de la dinamica Freinet e de la pedagogia institucionala : balhar la pauraula a l’enfant, lo menar a l’autonomia, regular la vida de grop e se ne servir coma vector d’aprendissatge. Utiliza « d’institucions » e d’aisinas que van dins aqueste sens : lo Conselh, lo Qué de nòu, la correspondéncia, lo trabalh cooperatiu, l’auto-avaloracion… que vènon noirir los aprendissatges de l’escolan dins la tòca de las transpausar a la realitat de l’enfant fòra l’escòla… Dempuèi sa dobertura, lo concèpte agrada dins la regiona e l’escòla s’agrandís !

De fach, dempuèi setembre de 2016, la capacitat d’acuèlh dels escolans (calandrons) a doblat. Quand, en setembre de 2015, i aviá 13 enfants, una ensenhaira (regenta) e 2 ajudas mairalas, uèi son 25 escolans, 2 ensenhairas e 3 ajudas mairalas que se despartisson dins 2 classas de la pichòta seccion al CE1. L’ensenhament se perseguirà, a tèrme, fins al CM2. Se desiratz d’autras entre-senhas o tot simplament descobrir la Calandreta de Bocòna e son especificitat podètz contactar l’escòla sus : calandreta.bocona@gmail.com o seguir sas actualitats sus sa pagina Facebook « calandreta de bocona ».

Adaptat de l’article publicat lo 23/11/2016 per La Dépêche.

 

La Marcèla (Delpastre) e la Miquèla (Stenta) a la Calandreta de Ginhac

Dimècres 30 de novembre

19h00, a la Calandreta la Garriga,per lo darrièr cafè òc de l’annada.

30 de novembre, Sant Andrieu, fièira de Ginhac, dempuòi lo temps que Matièu Salèm èra jovenòme e saique benlèu un pauc abans.
30 de novembre de 2016, totes los ases (escaisnom de los de Ginhac) seràn pas a la fièira e d’unes, fin finala pas tant ases que çò que semblan, s’assadolaràn a se donar lo conflitge de bona pastura lemosina fenejada fa d’ans per Miquèla Stenta e Carles Camberoque (fòtos), dins la bòria de la Marcèla Delpastre.

la-marcela

Miquèla STENTA, fotografias de Charles CAMBEROQUE, Marcelle Delpastre à fleur de l’âme, Vent Terral, 2016.

Nascuda e defuntada a Germont, comuna de Chamberet en Corèsa ont totjorn visquèt, Marcèla Delpastre (1925-1998), es un autor màger de la literatura occitana contemporanèa. En occitan coma en francés, s’illustrèt dins totes le genres : poesia, contes, memòrias, etnografia, eca…

Dins aquestas paginas, qu’obesissan al genre biografic, s’agís de se sarrar d’uns personalitat originala, païsana e poèta, e de ne permetre la coneissença a un public larg.  E delà de la Marcèla de l’òbra literària, d’aquesta dels 7 tòmes de sas Memòrias, plan citadas, dins son occitan lemosin d’origina e reviradas en francés, çò qu’evita la glòsa e l’interpretacion, al prètz de la vertat e d’una vertat assumida d’esperela.

S’enriquisson d’un reportatge fotografic inedit, vertadièr retrach en imatges realizat an çò d’ela a la fin de las annada 70 per fotograf Charles Camberoque.

Vent Terral ?

en lenga nòstra, lo mestral, vent de tèrra : ecò sonòr de las interpelacions e del mormolh dels òmes, dels bruches dels mestièrs e de la rumor de las activitats, memòria dels espacis traversats.Un ostal d’edicion, qu’amb la participacion de totes, a permés la publicacion d’un centenat de títols : poesia, romans, contes e racontes, novèlas, assages, lingüistica, istòria, filosofia,…

Vent Terral
Pôle d’activité Val 81 / F-81340 Valence d’Albigeois
Tél : 33 (0)5 63 56 46 87 / Fax : 33 (0)9 59 10 73 72 http://www.vent-terral.com/blog/

A 7 oras dau vèspre: repais partejat, cadun pòrta quicòm de manjar, de beure, de dire…

Venètz nombrosas e nombroses…a la Calandreta de Ginhac, 19h, camin de carabòtas. (còsta lo licèu agricòla)

Per trapar la sala :

img_1529 De Besièrs A75 sortida Clarmont d’Erau / Canet, prene Canet, traversar lo vilatge, sautar Erau e arribar a la D32 que va de Montanhac a Ginhac. Direccion Ginhac. Un pichon desenat de quilomètres, giradoira que va a drecha a Popian, St Bausèli, en fàcia a Ginhac, e a man gaucha cap al licèu agricòla e al camin de Carabòtas. Prene aquel camin passar davant lo licèu e la calandreta es aquí tocant, a drecha.

Si que non autorota A750 dusca a Ginhac, 2nda sortida en venent de Montpelhièr, 1ra aprèp lo pont sus Erau en davalant d’Aubrac. Arribar aquí dins una giradoira, prene la direccion de Montanhac, Belarga, Canet en daissant Ginhac dins l’esquina. Primièira giradoira qu’encontratz puòi, a un parelh de quilomètres de la sortida de l’A750, cau prene a drecha lo camin de Carabòtas, licèu agricòla. Passar davant lo licèu e la calandreta es aquí tocant, a drecha.

Aquel qu’es pas content que se crompe un GPS (aquò empacha pas que se vire tanben lo cuol al vent).

Per parlar occitan, se rescontrar, faire riqueta e s’assabentar los cafès occitans

Per quals?

Tot lo mond, sòcis o pas de l’associacion, locutors o pas de la lenga d’òc, dau nenon pas tròp plorinejaire, al papeta rance pas tròp repapiare, e mai eles! Basta d’aver enveja d’ausir e de parlar l’occitan, (per aqueles qu’o pòdon), lenga en libertat, occitan de carrièira o patés de facultat.

Coma?

Segon la formula consacrada « Venètz e portatz » Qual de beure, qual de manjar, de sucrat o de salat, de pebrat per racontar… Metem tot amassa e partejam.

A l’entorn de? 

Lo tèma es aquí per faire montar l’alhòli e nos assabentar, en segonda partida de serada, un convidat de tria presenta son trabalh, e una discutida s’enseguís. Per s’acabar en galejadas e cançons.

Mercés d’o faire assaupre al vòstre entorn, de faire virar, que tant que vira fai de torns!

Joan-Loís Blenet : « volèm totei lei drechs per l’enfant ! »

Le président de la Confédération Calandreta – écoles associatives en occitan – saisit l’anniversaire de la signature française de la Convention Internationales des Droits de l’Enfant pour réclamer de l’Etat qu’il signe également son article 30 – celui qui reconnaît le droit de parler sa langue à l’enfant, dans son milieu ambiant.

 

JL Blénet : "quand l'offre d'enseignement est de qualité, la demande croît pour l'occitan. En reconnaissant le droit de l'enfant à parler sa langue, l'Etat verrait encore cette demande augmenter" (photo XDR)
JL Blénet : « quand l’offre d’enseignement est de qualité, la demande croît pour l’occitan. En reconnaissant le droit de l’enfant à parler sa langue, l’Etat verrait encore cette demande augmenter » (photo XDR)

Disètz que la França refusa de ratifiar l’article 30 de la Convencion Internacionala dei Drechs de l’Enfant, aquela que ditz qu’un enfant a lo drech d’emplegar sa lenga. Coma s’exprimís aqueu refùs ?

Nos vèn escondut per una publicitat messorguièra. La França valorisa la diversitat culturala d’un biais oficiau, e dins la realitat entrepacha que s’exprimisse . L’accion publica es d’afichar de drechs que ne’n son pas. En 1989, la signatura de la Convencion internacionala – mens son article 30 – nos a rementat que deja en 1966, la signatura francèsa dau Pacte Internacionau dei Drechs Civics e Politics, escafava premier l’article 27, aqueu que parlava dei drechs dei minoritats.

En realitat la lenga nòstra se parla quasi plus dins lei familhas, onte se transmete pas ais enfants. Am’aquò es que se pòu encara parlar de lenga dau país, s’es mòrta ?

Vos dirai que li a de monde per parlar, muma se podem pensar qu’aqueu nombre demenís. Mai podem pas taisar que nòstrei lengas regionalas fuguèron roïnadas. Vuei nos dison que plus degun ne’n demanda. Nosautres, ai Calandretas, ce que vesem, es qu’am’una ofèrta d’ensenhament de qualitat, aquela demanda aumenta. La reconoissença per la Convencion dei Drechs de l’Enfant devriá, amé de drechs reconoissuts, milhorar encara aquela qualitat, e mai la partejar dins lo monde educatiu.

La França reconois sei lengas au sieu, pas au defòra

Un enjeu pour l'enseignement des langues régionales qu'on parle moins en famille : maintenir le niveau des enseignants de demain (photo MN)
Un enjeu pour l’enseignement des langues régionales qu’on parle moins en famille : maintenir le niveau des enseignants de demain (photo MN)

Perqué lançar una campanha am’un comunicat a l’escasença de la Jornada Internacionala ?

Siam confrontas a la messòrga d’un Estat que ditz que nòstra lenga se parla pas. Es escquisofrenic : dins lo país ditz que lei lengas regionalas son dau patrimòni de la França, e au defòra ditz qu’existon pas !… A messòrga d’Estat, responsa dei Calandretas sota la forma d’un messatge clar. Maugrat la dificultat – e la negacion dau drech – la volontat dau public deis escòlas associativas en occitan fa créisser l’ofèrta d’ensenhament en lenga nòstra : ne’n siam ara a 65 escòlas, e tres Collègis, amé 3600 calandrons e 210 collegians, en auça de 5% en 2016. E a Montpelhier avèm en projèct de perseguir lo collègi per un licèu.

Dins un sistèmi escolari onte public e sector associatiu prepausan d’ensenhament en occitan, de qu’aduson lei Calandretas  ?

Auçan lo nivèu, la qualitat de l’ensenhament de la lenga – en immersion. E auçar lo nivèu es una exigéncia. Am’un nivèu febla, coma esperar deman de formar d’ensenhaires que podràn ensenhar vertadièrament l’occitan ? Mantenir lo nivèu es essenciau, bòrd qu’am’un occitan  mediòcre aurem jamai deman de bòn ensenhaires per faire passar la lenga a la generacion que l’entende pus a l’ostau.

communicat_premsa_calandreta_jornada_dreches_de_l__enfant.pdf communicat premsa Calandreta jornada dreches de l’enfant.pdf

Mardi 15 Novembre 2016 / Michel Neumuller / Aquò d’aqui

Dobèrta en 2015 l’escòla immersiva en occitan de Lavaudieu aculhís 16 escolans

2899011Escolans, professors e parents s’acampèron dimarç passat pel gostar de la dintrada, dins los locals de l’anciana e novèla escòla de Lavaudieu (uèi logada a de particulars).

L’aventura comencèt en Briudés en setembre de 2015. Un an mai tard, l’escòla immersiva en occitan de Lavaudieu compta 16 escolans. Dimarç, parents e escolans s’acampèron a l’ora del gostar.

Dins lo vilatge de Lavaudieu s’ausisson de crits d’enfants coma los autres. Mas lor escòla (e la lenga que parlan) es, fòra de comun.

Cinc escolans de mai

Creada per l’associacion Calandreta Ribeirona, quitament nascuda en 2013, es una escòla laíca associativa immersiva en occitan. E la formula fonciona. Per aquesta dintrada, comptan cinc escolans de mai, çò que pòrta lo nombre d’escolans a 16. Vènon de Lavaudieu, Briude, Paulhac, Autrac… « L’objectiu es d’arribar a 20 escolans » precisa Thomas Ganlut, membre de l’associacion Calandreta Ribeirona. Los escolans son dins una classa multinivèls, enquadrats per la regenta Isabèla Peatier, l’ajuda Anne-Lucie Huchet e tanben un servici civic.

Calandreta existís dempuèi trente ans e compta 65 escòlas, que 3 se trapan en Auvèrnhe (amb Puèi de Velai e Orlhac). « Es reconeguda per l’Educacion Nacionala e seguís son programa, explica Thomas Ganlut. Mas cal esperar cinc ans per obténer la contractualizacion de la classa e doncas lo finançament del salari de l’ensenhaire per l’Estat ». Per l’ora, son los eveniments organizats per l’associacion culturala e los parents que finançan l’escòla. « Èsser dins l’escòla demanda un engatjament dels bèls dels parents. »

En mai de l’ensenhament en lenga occitana, l’escòla aplica las tecnicas Freinet e Oury. Un aprendissatge en immersion e per l’experimentacion qu’agradèt a Gérard Barriol, vengut de Champanhac. Son filh de 5 ans, Leonard, arribèt ongan a l’escòla. « Çò que nos balhèt enveja, es lo sistèma educatiu que respècta lo ritme de cada enfant. L’estructura de la Calandreta revertava nòstra vision de l’educacion. »

En mai de la Calandreta, l’associacion Calandreta Ribeirona organiza tanben de gostarsÒc doberts al public, una dictada, un balèti/concèrt, un festenal de l’enfança…

D’aprèp Lydia Berthomieu

Formacion Cap d’Establiment

Los 11 e 12 d’octobre passats un vintenat de caps d’establiments Calandreta venguèt participar a las jornadas de formacion continua « Cap d’Establiment » dins los locals de la Confederacion a Montpelhièr.

dsc_0439

Venguts d’Aquitània, Auvèrnhe, Lemosin, Miègjorn-Pirenèus, Lengadòc e Provença los regents/caps d’establiments escambièron sus sas practicas, sos questionaments… Seguiguèron tanben doas intervencions sus las finanças e la Lei Debré e sus la situacion del cap d’establiment fàcia a las institucions Educacion Nacionala.

Còsta Pavada : la novèla Calandreta de Còsta Pavada inaugurada

Lors de l'inauguration, samedi./Photo DDM Th. G.
Pendent  l’inauguracion, dissabte./Fòto DDM Th. G.

Jean Luc Moudenc inaugurèt dissabte los novèls locals de la Calandreta , en preséncia de Miriam Bras, presidenta de la federacion departamentala Calandreta e de Cristina Noble, presidenta de la Calandreta Còsta Pavada. La Calandreta  quitèt  sos locals de l’escòla Armand Leygues a la demanda de l’Educacion Nacionala, en 2015. La comuna proposèt los ancians locals de l’escòla mairala Pugens-Limayrac per i desplegar sas activitats pedagogicas, en acòrdi amb l’implantacion istorica de l’associacion occitana dins lo barri. Las òbras de renovacion (155 000 € preses en carga per la vila) foguèron realizats pendent l’estiu de  2016, per fins que las còlas e los escolans i posquèsson far sa dintrada al 1èr de setembre.«La Calandreta de Còsta Pavada es la primièra creada a Tolosa, se faguèt  i a mai de 30 ans», remembrèt Jean-Michel Lattes, 1èr adjonch al conse, en carga de la cultura occitana.
Th. Gausserand

Revirada de l’article de La Dépêche. Publicat lo 03/10/2016

Un novèl director a l’escòla occitana de Peireguers

Les enseignants et leurs « calandrons » : Guilhem Villa, en haut à droite, et Charlotte Delage, en bas à gauche.

Los ensenhaires e lors calandrons : Guilhem Villa, en naut a drecha e
Charlotte Delage, en bas a esquèrra. © Denis Gilabert

Guilhem Villa succedís a Matèu Pragout. Rescontre

Dempuèi la dintrada escolara, la Calandreta de Peireguers a recrutat un novèl director, en remplaçament de Mateu Pragout, tornat dins son Lengadòc familial. Rescontre amb Guilhem Villa, 32 ans, que fa tanben lo professor a l’escòla occitana per immersion.

« Sud Ouest ». Qual es estat vòstre percors professional ?

Guillem Villa. Sei biarnés, d’Ortès, ai fait daus estudis de regent a l’IUFM, puei ai trabalhat coma assistant d’educacion pedagocic, professor de mat au collegi Pablo Picasso de Perigüers puei coma CPE (conseiller principal d’éducation, NDLR) a la ciutat escolaria Giraut de Bornelh en Essiduelh, jusca en junh. Ai totjorn agut lo project de far lo mestier de regent dempuei 5 anadas. En mai de quò, sei plan interessat per l’ornitologia, ai fait daus estudis e de las animacions dempuei dietz anadas.

E qué provoquèt vòstra venguda a laCalandreta ?

Quò comencet per un SMS de Charlota (Delatge, regenta per los pitits a la Calandreta), que coneisse bien. Ela me parlet de l’escòla emb estambòrd, ai passat las intervistas e me veiqui !

Quina preparacion per aquesta mèna de mission ?

D’en prumier, falia me botar a niveu en lenga. Ai estudiat pendant l’estiu coma ma femna Clementina a l’EOE (l’Escòla Occitana d’Estiu a Vilanòva d’Olt), onte ai rencontrat Micheu Chapduelh que fuguet mon professor. Ai rencontrat e parlat Joan Ganhaire tanben. Parle coma mon vesin de Brochau, e prenem totas las occasions de parlar coma ma femna. Aqui fasem mai de 50 % de l’ensenhament en occitan.

Qual es l’ambient de trabalh ?

Mateu Pragost faguèt un brave trabalh, l’ambiença s’es bien ameliorada l’an passat, a fait totplen de projets coma los eslevas, coma lo carnaval, chantar a la Felibrejada. Los membres de l’esquipa pedagogica s’endevenen plan ben. Avem lo sosten daus parents, dau bureu daus benevòles.

Sus quins projèctes anatz trabalhar dins los meses que vènon ?

Volem los far trabalhar sur las praticas paisanas e la diversitat locala : lo trabalh dau bois de fusta, lo visme per far los paniers, coneisser los auseus, lo vergier…

Mai d’infos sus  http://occitan.blogs.sudouest.fr/

De notar : pas de revirada de las responsas de Guilhem Villa qu’èran ja redigidas en occitan.

Albi – La cultura de l’occitan per las arts – Festenal dels Petits cailloux

Un talhièr maquilhatge fòrça presat. /Fòto DDM, P.G.

Èra pas necessari de parlar occitan per anar al festenal dels Petits cailloux. E i aviá fòrça familhas ièr sul sit de Prat graussals per aquesta manifestacion organizada per Albi occitan. Totes los enfants èran pas escolarizats a Calandreta, mas aquesta cinquèna edicion, que son succès es totjorn mai grand, èra lo mejan de sensibilizar los parents a la lenga occitana pel biais de la cultura e de las arts.

A 3 h del tantòst, mai de 500 personas se butassavan a l’entorn dels talhièrs. L’associacion qu’es en cèrca de benevòls aurà benlèu trapat demèst aqueste mond de personas volontàrias per s’investir. La Calandreta d’Albi es una escòla laíca e associativa, immersiva en occitan. L’escòla existís dempuèi setembre de 2008 e aculhís un cinquantenat d’escolans de la tota pichòta seccion al CM2.

Los enfants èran encantats per l’armosfèra de la jornada. Maquilhatge, acrobacia, dessenhs, fòrça jòcs èran prepausats. Lo solelh èra, el tanben, de la partida per balhar un bel ambient de fèsta a aqueste rendetz-vos.

Article adaptat de La Dépêche. Publicat lo 25/09/2016 a 03:52, Mes a jorn lo 25/09/2016 a 10:26

Calandreta Vilafranca de Lauragués : l’occitan, es pas sonque pels enfants !

I a de nòu del costat de la Calandreta, l’escòla immersiva en occitan, per aquesta dintrada de 2016. L’associacion a, entre autre, previst d’organizar des corses pel adults.

Los futurs bilingües occitan-francés an tornat prene lo camin de l’escòla.

Dijòus 1èr de setembre, la Calandreta de Lauragués, escòla associativa immersiva en occitan installada a Vilafranca de Lauragués, tornava dobrir sas pòrtas al 3 avenguda de Carcassona.

Ongan, 8 escolans aprofièchan dels corses dins lo prefabricat : dos en pichòta seccion, dos en mejana seccion e quatre en granda seccion (contra 6 escolans en tot la primièra annada). Per ara l’esòla pòt aculhir fins a 10 escolans.

( de legir tanben : À quoi ressemble la Calandreta ?)

Cal tanben soslinhar l’arribada d’una novèla ensenhaira, la renovacion de la cort de recreança d’ara en davant mai granda e la creacion d’una dintrada novèla.

Lèu un terren novèl per la Calandreta

Se las pòrtas de la Calandreta dobriguèron en debuta d’annada sul terren de l’avenguda de Carcassona, l’associacion a trapat un endrech novèl per installar son prefabricat. Pasmens, coma lo permes de bastir es pas encara valid, l’annada se debanarà dins los locals costumièrs. De mai las recèrcas s’arestaràn pas aquí.

« L’ideal seriá totjorn d’aver un bastiment «  en dur « », precisan Priscille Paccoud e Marlène Ratel, membres de l’associacion Calandreta de Lauragués. A l’ora d’ara, sabon pas encara quora la Calandreta se podrà installar dins de locals novèls.

De corses pels adults

Mas ongan çò de mai novèl es l’organizacion de corses per adults !

L’idèa venguèt pas de nautres, explica Priscille Paccoud. Al forum de las associacions de Vilafranca, nos es estat demandat mantuns còps se prepausàvem de corses pels adults e ongan, sèm capables d’o far qu’avèm dos benevòls que se ne pòdon cargar.

Aital, cada dimarç fòra vacanças escolaras e tre setembre, los corses se debanaràn de 20 h 30 à 21 h 30 dins la sala de l’anciana percepcion, placèta del general de Gaulle (a costat de la bibliotèca e en fàcia de la Pòsta).

I a ja qualques personas marcadas mas l’associacion pòt aculhir fins a 20 personas. La tarifa es de 90 euros l’annada, e 5 euros de mai d’inscripcion a l’associacion.

Infòs
Per se marcar als corses per adults : www.calandreta-du-lauragais.org o 06 68 54 55 77.

D’aprèp Florian Moutafian. Voix du Midi Laurageais. Publicat lo 17/09/2016.

La Calandreta de Castanet faguèt sa dintrada

La Calandreta de Castanet èla tanben faguèt sa dintrada lo 1èr de setembre. Amb 62 escolans ongan, los efectius cambian pauc, mas caldriá butar las parets per aculhir totas las demandas…

Per aquesta 22èna dintrada, l’escòla aguèt lo plaser d’aculhir Valèria, una ensenhaira novèla pels pichons de mairala. L’autra noveltat de la dintrada es l’arribada de Solène, primièr servici civic dins l’estructura, que participarà al desvolopament del projècte de l’escòla amb l’ajuda de las còlas educativas actualas (compausadas de tres ensenhairas e quatre ajudas e animators peri-escolars).

L’annada escolara passada foguèt l’escasença de celebrar gaujosament los 20 ans de l’escòla amb fòrça eveniment dins la vila, amb entre autres l’emission de ràdio del 18 de junh menada pels enfants sul tèma de la lenga e de la cultura occitanas sul mercat « Verte Prairie ». Aquesta serà lèu difusida sus Ràdio Occitània e serà tanben disponibla sul sit oèb de la Calandreta : www.calandreta-castanet.fr.

Ongan tot deuriá contunhar amb fòrça eveniments culturals e ludics, en començar per son mercat, d’ara endavant tradicional, « Calandreta prepara Nadal » en novembre, de talhièrs recreatius, la participacion al carnaval, e  benlèu enfin son quite gigant.  La calandreta serà tanben en sosten de Fèsta d’Òc per l’organizacion d’un cine-debat pendent lo festenal Occitània sus Castanet lo 13 d’octobre venent.

Trantalhetz pas a seguir tot aquò sul sit oèb de l’esòla : www.calandreta-castanet.fr

Revirada de l’article de La Dépêche du Midi/ Ladepeche.fr/ publicat lo 14/09/2016 .
L emission de ràdio de junh amb Muriel lo cap d’establiment, los parents e los escolans./Photo DDM
L émission de radio de juin avec Muriel la directrice de l'école, les parents et les enfants./Photo DDM

Una novèla escòla occitana ven de dobrir

Autour de Manon, enseignante en occitan, les jeunes élèves de la Calandreta./Photo DDM.

A l’entorn de Manon, ensenhaira, los joves escolans de la Calandreta./fòto DDM.

Nòu escolans vènon d’integrar una tota novèla escòla mairala bilingüa, laíca e associativa, la Calandreta deth Coserans. Al 36, avenguda Gallieni, Manon, l’ensenhaira acuèlha los calandrons. Lo planpè d’aqueste ostal, amb una sala de classa, una sala de dormida e un jardin dels bèls per las recreanças, foguèt entierament alestit pels parents pendent l’estiu. L’escòla es afiliada a la federacion Calandreta de Miègjorn-Pirenèus que compta mai d’un vintenat d’establiments sul territòri. Aquesta mèna d’establiment utiliza lo metòde de l’immersion lingüistica tre la mairala per fin de valorizar e de desenvolopar las capacitats d’enfants joves-joves a aquesir una segonda lenga e a mestrejar doas lengas d’un biais equivalent.

Rendètz-vos dissabte per l’inauguracion

Las Calandretas s’inspiran de las tecnicas Freinet e de la pedagogia institucionala, balhar a paraula a l’enfant, lo menar a l’autonomia, favorizar la vida de grop. Utiliza d’aisinas pedagogicas que van dins aqueste sens : lo Conselh, lo Qué de nòu, la correspondància escolara, lo trabalh cooperatiu, l’autoavaloracion.

Julien, lo paire de Ninon, es encantat de la dobertura de la Calandreta : «Fa mai d’un an qu’avèm començada aquesta aventura associativa. Lo jorn de la dintrada es un bèl abotiment per nòstres enfants ! Mas l’aventura fa pas que començar e se perseguirà l’annada tota, al quotidian. Nos cal organizar d’eveniments que permetràn de finançar e far viure la Calandreta.»

Los parents mercèjan los donators que permetèron a la Calandreta de San Girons de se lançar. De mai es totjorn possible de sosténer aqueste projècte en far un don. La volontat de l’escòla es de far viure la lenga d’òc e de promòure la cultura occitana sul territòri. L’inauguracion de l’escòla, festiva, en musica, se debanarà dissabte.

Contact : Calandreta deth Coserans, 36, avenue Gallieni à Saint-Girons ; calandreta.deth.coserans@gmail.com ; Tél. 06 43 52 80 56 ; occitan-couserans.jimdo.com

Revirada de l’article del 06/09/2016 de La Dépêche du Midi.

Descobrissètz lo Prèmi Literari Calandreta 2016-2017

Estimats collegas-1vpb-page-001

 

 

 

 

 

 

 

 

 

 

 

 

 

 

 

 

 

 

La Calandreta Dagtenca lança la 3èma edicion del Prèmi Literari Calandreta, amb lo sosten de Lectura e Òc e del CIRDÒC. Lo Prèmi es dobèrt a l’ensemble dels establiments, que sián o pas afiliats a la ret Calandreta.

Cada classa legirà una seleccion de 4 libres occitans, especifica per cada cicle, que lo detalh es a descobrir aquesta annada sus la FaBrica. Al long del projècte, los enfants poiràn partejar sus aquel site lors avises e impressions sus lors lecturas dins la partida comentaris.

La seleccion legida, los escolans procediràn al vòte de lor obratge favorit. Poiràn tanben trabalhar a la realizacion d’una creacion originala inspirada de lors lecturas. Los resultats seràn divulgats lo 5 de mai de 2017 a Agde, pendent la Passejada literària.

Las inscripcions seràn dobèrtas fins al 28 de setembre. Las condicions de participacion, las seleccions e las modalitats practicas son de descobrir sus la pagina dedicada de la FaBrica.

Objectius pel regent

Motivar los escolans a l’entorn d’un projècte de lectura bèl Permetre al dintre de la classa escambis e causidas a l’entorn d’òbra literàrias occitanas Menar los escolans a afortir lor creativitat en esperlongar lo prèmi en l’espleitar d’un biais transversal.

Interèsses pels escolans

– Descobrir lo plaser de legir e la literatura occitana

– Aprene a criticar e participar a l’eleccion d’una òbra literària

– Esperlongar lo prèmi en crear en còla o per classa en ligam amb l’òbra causida (en arts visualas, en lenga, en descobèrta…)

– Rescontrar los autors e illustrators occitans e participar a la mòstra de las òbras

La FaBrica partenària

Totas las entresenhas sul Prèmi (seleccion, reglament, infos practicas…) son de trapar aquí sus la FaBrica d’Occitanica.

Venètz partejar las criticas de vòstra classa sus la FaBrica : tota l’annada, escambiatz amb los autres legeires en comentant las òbras de la seleccion.

Toutes les œuvres sélectionnées http://fabrica.occitanica.eu/labasa/premi-literari-calandreta

Mairala

#Lo lop que voliá cambiar de color
Ne saber mai / Partejar sa critica

#Lo caton, la guita e la cabra
Ne saber mai / Partejar sa critica

#L’òrt de Nicolau
Ne saber mai / Partejar sa critica

#L’ostal dels lops
Ne saber mai / Partejar sa critica

Cicle 2

#Lo caton d’Elodia
Ne saber mai / Partejar sa critica

#Lo rei dels corbasses
Ne saber mai / Partejar sa critica

#La ronda del diable
Ne saber mai / Partejar sa critica

#Lo beveire de tinta
Ne saber mai / Partejar sa critica

Cicle 3

#L’òme sortit de la mar
Ne saber mai / Partejar sa critica

#Lo secret deus bòscs de Lascaus
Ne saber mai / Partejar sa critica

#Contes de la calandreta
Ne saber mai / Partejar sa critica

#Lo Pichon Micolau en provençau
Ne saber mai / Partejar sa critica

Calendièr del prèmi

Setembre
– Inscripcions de las classas e pre-inscripcions per de rescontres d’autors

De setembre a març

– Temps de lectura per las classas
– Organizacion d’activitats a l’entorn del prèmi literari pels que desiran

A partir de febrièr
– Recepcion del material per votar

Abans lo 24 de març
– Transmission de la causida a l’escòla Calandreta Dagtenca

Lo 5 de mai a la Passejada literària en Agde

1- Anóncia de las resultas del prèmi (per cicle)
2-Rescontre d’autors
3-Mòstra de las creacions dels participants

Contàcte

Escòla Calandreta Dagtenca
1 rue Jean Moulin
34300 AGDE

04 67 00 16 46
calandagde@free.fr

Inauguracion dels novèls locals de la Calandreta d’Albi

L’escòla Calandreta vei mai grand

Les écoliers sont heureux dans leurs nouveaux locaux./ Photo DDM, E.C

Los escolans son uroses dins lors locals novèls / Photo DDM, E.C

 

Djòus de ser, l’escòla Calandreta d’Albi inaugurava sos novèls locals installats al 44 carrièra Croix-Verte, a dos passes del centre-villa. La mudason de l’escòla associativa occitana, en data del 1èr de mars, es la consequéncia de la decision de la Comuna de balhar l’ancian emplaçament (Square Amirial-Abrial) al Centre social de Lapanouse-Saint-Martin-Jarlard. Una nòva puslèu plan aculhida per l’escòla que s’arrèsta pas de créisser. Mas abans que los escolans i posquèsson pausar definitivament son cartable, lo camin foguèt long. Al mes d’agost passat, quand aquesiguèron los locals,  » i aviá tot de far », explica Amelia Labat, presidenta de l’Associacion Calandreta, que gerís l’escòla e lo recrutament de las ajudas-mairalas. « Èra pas qu’un èrm, lo vuèg total ».

«Un vertadièr movement popular»

La renovacion dels locals se faguèt sus 7 meses, d’agost de 2015 al mes de febrièr passat. L’associacion Calandreta, que financèt una partida de las òbras, joslinha un « vertadièr movement popular ». Un seissantenat de benevòls, fòra los parents d’escolans, nos venguèron ajudar a tornar metre los luòcs en estat », explica la presidenta. Los professionals prestèron de material quand los particulièrs aportèron una ajuda financièra. « Mas, delà d’aquestes dons generoses, lo mond prenguèron sus son temps personal per balhar a l’escòla aquestes novèls locals. Venián trabalhar las dimenjadas e los sers en setmana », s’estona encara Amelia Labat reconéissenta.

Los benevòls, totes convidats a l’inauguracion dijòus de ser, se sentisson totjorn far partida de la vida de l’escòla e contunhan de portar de mobilièr. Un movement de solidaritat que balhèt lo mot d’òrdre del talh long dels meses : la bona umor.

Uèi, l’escòla Calandreta d’Albi es plan installada carrièra Croix-Verte. Lo crapàs e la polsa an desaparegut per daissar plaça a un luòc pròpri e sanitós. Sus las parets, se pòdon ara legir los jorns de la setmana e los meses de l’annada, en occitan. L’escòla aculhís tres classas de la tota pichòta seccion al CM2, siá pas mens de 45 dròlles que sos corses son assegurats per tres ensenhaires : dos estacats a l’Educacion Nacionala e un a la Federacion regionala Calandreta.

Revirada del artcile de F.C – LADEPECHE.fr. Publicat le 18/06/2016.

La Calandreta de Tarba lança un crowfunding per renovar sos locals

La Calandreta de Tarbes lance un crowfunding pour rénover ses locauxSituida sus la rota de Banhèras, la Calandreta aculhís 67 enfants.

La Calandreta de Tarba lança una campanha de finançament participatiu per la renovacion de l’escòla. L’apèl a don es lançat sus l’aplicacion Hello Asso Calandreta deu pais Tarbes . Amb los fons collectats, l’escòla projècta :

1- la renovacion de las salas de classas vengudas vetustas
2- l’amenatjament de la cort e del camin d’accès a la Calandreta

Las Calandretas son d’escòlas bilingüas occitanas en contracte d’associacion amb l’Educacion Nacionala. La Calandreta deu país Tarbès foguèt creada en 1993. Las calandretas son d’escòlas associativas laícas lei 1901. Cada escòla es sostenguda e gerida per una associacion constituida pels parents d’escolans.

Calandreta utiliza lo metòde d’immersion lingüitic tre la mairala per fin de valorizar e de desenvolopar las capacitats dels enfants a aquesir joves-joves una segonda lenga. L’educacion bilingüa desenboca sus una vertadièra dobertura multiculturala, çò que mèna los enfants a descobrir la diversitat dins lo respècte de las diferéncias.
La lenga occitana es a l’encòp lo centre e lo còr del patrimòni, pròpri a la region, que balha a l’enfant sas rasigas e son identitat. Calandreta desira far aimar nòstra lenga e nòstra cultura. L’occitan es la lenga ensenhada e ensenhanta.
La Calandreta deu País Tarbès aculhís  67 enfants repartits en tres classas :
tota pichòta seccion, pichòta seccion, mejana seccion, granda seccion, CP, CE1, CE2, CM1, CM2.

J | 7 juin 2016Tarbes7.fr

 

Calandreta e Ikastola acampadas dins lo meteis luòc

 

calandreta et ikastolaLes responsables de Calandreta et Seaska ont détaillé leur projet d’école par immersion © PHOTO M.-C. I.

Divendres, un quinzenat de familhas participèron a l’acamp organizat per Calandreta e Seaska per presentar lor projècte de creacion d’un grop escolar en immersion gascon-basc, au Bocau, en preséncia d’un detzenat d’elegits : lo conse de Bocau, la deputada, lo conselhièr departamental, mantuns representants d’associacions bascas e gasconas.

Segon los organizators, lo projècte es innovant. S’agirà de mutualizar de locals en tot crear d’establiments juridicament distincts – un per cada lenga – cadun en contracte e reconegut per l’Educacion Nacionala, gerit per una associacion (parents, etc…)

La causida d’un projècte d’implantacion d’una Ikastola a Bocau foguèt determinat pel recensament d’un potencial d’un trentenat d’enfants de Bocau, Tarnos et de Senhans escolarizats dins las Ikastola de l’aglomeracion. De mai, Bocau seriá la sola comuna dels Pirenèus-Atlantics de mai de 5 000 estatjants de pas aver son Ikastola.

Per la dintrada de 2017

L’objectiu de las doas associacions es de dobrir de classas de mairala per l’aprendissatge del basc e del gascon, en immersion a la dintrada de 2017, puèi de perseguir amb la dobertura, cada annada, de nivèls novèls. Segon lo responsable de Calandreta, basta de 4 a 5 enfants de 2 a 4 ans per dobrir una classa de mairala en gascon, lo complement d’efectiu monta en cors d’annada per emulacion.

Es relativament optimista : « aquí sèm en Gasconha. » Emai se a la fin de la serada una sola familha aviá mostrat son interest per una Calandreta contra uèit familhas interessadas per una Ikastola.

Concuréncia public-privat

Abans, pendent la presentacion de caduna de las escòlas, los responsables de las associacions organizatrices lausèron las vertuts de l’immersion que « consistís a immergir l’enfant dins un banh lingüistic tot al long de la jornada ».

Lo conse, Francis Gonzalez, diguèt sa preferéncia per l’immersion, lausada per Seaska, a las classas bilingüas de l’ensenhament public, defendudas per una participanta que citava l’experiéncia de l’escòla publica de Sant Martin de Senhans.

La question de la concuréncia entre escòlas publicas bocalèsas e escòla privada Ikastola o Calandreta foguèt abordada jos l’angle dels efectius, una classa de mairala bocalèsa estent menaçada a 4 o 5 inscripcions prèp (« Sud Ouest » del 15 de febrièr).

Marie-Ange Thébaud, adjoncha al conse, s’es volguda rasseguranta e estima que l’escòla publica « patirà pas d’aquesta dobertura ».

Revirada de l’article de Marie-Claude Ihuel – Sudouest.fr –  lo 7 de junh de 2016

 

 

 

La SETMANA

La Setmana qu’ei un setmanèr sancerament en lenga occitana editat per la societat Vistedit despuish 1995.

La societat que publica tanben Plumalhon e Papagai.

Plumalhon que s’adreça aus petits a partir de 8 dinc a 12 ans. Lo vòste pichon que poderà legir istòrias, contes, bendas d’imatges, har jòcs, etc… .

Papagai qu’ei lo petit hrair de Plumalhon, que s’adreça meilèu aus pichons de 4 a 8 ans.

Vistedit, 1 arrua de Satao, BP 50486, 64238 Lescar — Tel : 05 59 81 02 59

Mèl :plumalhon@wanadoo.fr o lasetmana@wanadoo.fr

Telecargar lo bulletin d’abonament per La Setmana ací

Telecargar lo bulletin d’abonament per Plumalhon e Papagai ací