La “Passem” fa bolegar l’occitan en Bearn

1.1

Objectiu atengut per la « Passem ». Recampar de dons per l’occitan.  Una correguda-relai de 400 km en Bearn.

Milierats de personas participèron a la « Passem » aquesta dimenjada en Bearn. Una escomesa per la lenga occitana coma se fa ja al País Basco amb la Korrika dempuèi 1980.

48h de correguda-relai sus 400 kms. D’associacions, d’entrepresas o de comunas crompèron cada quilomètre per 100 euros . Caliá puèi córrer, sol o en grop per assegurar lo ligam, per far viure la lenga.

Per aquesta primièra edicion lo succès es aquí. Los organizators an collectat mai de 40 000 euros. De qué trabalhar al desvolopament de l’occitan dins las annadas venentas.

Adaptacion – France 3 Per Eric Poussard Publicat lo 28/05/2018

« Lenga nosta »: pari ganhat per la « Passem »!

Divendres passat a 14 h, a Bidaishèn èra la partença de La Passem. Al programa : tres jorns de correguda, d’animacions e de promocion de la « Lenga nosta » pertot dins lo departament.

Es lo jorn J ! La Passem s’abriva de Bidaishèn aqueste divendres a 14 h. Fins a dimenge, milierats de correires van percórrer las rotas del departament amb per objectiu la promocion de la « Lenga nosta ». Dins cada vilatge an previstas d’animacions.

1
Lo relai de La Passem, a mand de passar de man en man fins a Pau dimenge a 14 h : Credit fòto : Jean-Philippe Gionnet

 

 

2
La bandièra occitana desplegada al despart de La Passem : Credit fòto : Jean-Philippe Gionnet

 

 

 

 

 

 

 

 

 

 

3
Credit fòto : Jean-Philippe Gionnet
4
La Passem arriba a Salias sul km de l’associacion Salies -enTransition Credit fòto : Jean-Poustis

 

 

 

 

 

5
Una corala d’escolans de Salias que cantan en occitan. Credit fòto : Jean Poustis
6
Los correires arriban a La Comanda. Credit fòto : Jacques Votier

 

 

 

7
A Lagòr, enfants, parents, gigant, portaires de relai se ronçan dins la correguda . Credit fòto : Marlène Constantin

 

 

 

 

 

 

8
Es un peloton gaujós e festiu que percorreguèt los darrièrs ecotmetres de la Passem dimenge dins lo barri del Hedàs a Pau. Fòto Jean-Philippe Gionnet

 

 

 

 

 

 

 

 

 

9
Jan de Nadau, a costat notadament de François Bayrou, legiguèt lo «messatge secret» de la Passem ©jean-philippe gionnet

Una arribada gaujosa e colorada, dimenge al barri del Hedàs, a Pau, clavèt 48 h de corregudas organizadas per la promocion de la lenga regionala.

La « Passem », correguda organizada per Ligams, e destinada a defendre e promòure la lenga nosta, s’acabèt dimenge, barri del Hedàs, a Pau, aprèp 48 h, doas nuèches de fèstas e 400 kms passats per las rotas bearnesas. Aquesta primièra edicion es «un succès dels bèls, degun o poirà pas contestar», estimèt la presidenta de l’Offici Public de la Lenga Occitana, Charline Claveau-Abadie.

Un messatge de convit a perseguir lo trabalh, e contengut dins lo testimòni que se transmetèron los correires, foguèt legit, plaça Recabòrda, pel cantaire Jan de Nadau, davant centenats de personas.

11

RDV en 2020

La segonda edicion de la « Passem » es programada per 2020, en Bearn, Baish-Ador e delà. L’edicion 2018 aviá permes, tre divendres passat, jorn del despart, de recampar mai de 40 000€ via la crompa de quilometres. Aquesta soma servirà al lançament d’apèls a projèctes per la lenga regionala.

Adaptacion de l’article de G.C., La République des Pyrénées publicat lo 27 mai 2018