LENGAS REGIONALAS : SOS ENSENHAMENT
mobilizacion 29 de mai
Las nòstras mobilisacions ganhèron la Lei Molac contra lo Ministre! Aquò mostrèt plan lo cambiament de vejaire de la societat per nòstras lengas regionalas que son classadas per l’UNESCO en»GRAND DANGIÈR».
S’agis de la diversitat culturala e linguistica, de l’ecologia umana.
Mas lo sinistre Blanquer contunha son òbra de destruccion de l’ensenhament de l’occitan e das autras lengas istoricas.
Amb sa reforma ruina l’ensenhament de l’occitan au Licèu emai lo daissa sens ges de valorisacion au Bac. Dau còp en 2 ans los efectius liceans an cabussats de 50% per totas las lengas regionalas.
Sens liceans i aurà pas pus d’estudiants a la Fac, e per aquò pas mai de professors formats,etc…
L’ensenhament es coma un cadena que cada nivèl n’es un anèl e fa tener lo tot.
Ruinar un nivèl es trencar la cadena tota.
Es plan la totalitat de l’ensenhament de l’occitan (e das autras lengas) qu’es en peril. Aquò nos concernis totes. Nos devem mobilisar
Devem mobilisar los elegits… e los candidats.
Las eleccions son l’escasença de los informar de la realitat de la situation.
Regions e Departaments son competents, es a dire responsables, de «La promotion das lengas regionalas» Art 1111 -4
Lo collectiu Per Que Visquen Nòstras Lengas crida a faire lo mai possible de recampaments davant de luòcs simbolics : comunas, monuments, prefecturas o jos-prefecturas…
Nos cal un grand eveniment fach d’un fum d’accions coordonadas
SOS ENSENHAMENT I A URGÉNCIA PER LA DIVERSITAT!
SOS ENSENHAMENT, Regions, Departaments Bolegatz vos!
SOS ENSENHAMENT, l’ecologia es pas sonque la verdura, es tanben la cultura!
SOS ENSENHAMENT, volèm la signatura de la convencion especifica Calandreta-Educacion Nacionala-OPLO!
SOS ENSENHAMENT, cal un estatut Lenga Regionala dins l’Ensenhament!