Peiriac de Menerbés : primièr prèmi per la Calandreta

Cascamèls

La calandreta Los Cascamels ven de participar a un concors organizat per « Zéro de conduite », un site sus l’actualitat educativa del cinèma. D’aprèp  L’Île aux chiens, un film d’animacion de Wes Anderson, los participants avián de fargar un can en materials reciclats. Nombre d’escòlas, collègis e licèu de l’exagòn tot,  daissèron anar son imaginacion. Mas es la calandreta locala qu’aguèt lo bon astre de ganhar lo primièr prèmi : una aficha del film, de plaças per assistir a sa projeccion per totes los escolans e un DVD del darrièr film de Wes Anderson. Mercé als transpòrtes Couchouron que lor ofriguèron lo viatge en bus, los calandrons anèron doncas al cinèma de Carcassona. Venguda mascòta de l’escòla, lor can garda los locals. Se sona  Es’Hope, « Es », 3èna persona del verb èsser  e « Hope », per « espèr » en anglés. De mai, coma l’expliquèt un calandron : « fa un jòc de mot : Esope, es un escrivan grèc qu’inventèt las faulas. Lo trabalhèrem amb Cindy, nòstra regenta.».

Del correspondent de l’Independant. Publicat lo 16 de mai de 2018