Senta Gabèla : la Calandreta a son aise dins sos locals novèls

Cal Senta Gabèla
De jornadas «pòrtas dobèrtas» plan emplenadas. DDM, RP
La Calandreta de Senta Gabelà es plan installada dins sos locals novèls a la plaça de l’ancian burèu notarial. Lo conselh d’administracion amb sos dos co-presidents, Leonie Subercaze e Loïc Blanc, metèt en plaça doas jornadas «pòrtas dobèrtas» per se far mai conéisser e reconéisser. La resulta es mai que positiva que los efectius, a la dintrada venenta, van créisser de 25%.

Los locals, mai bèls, amb amb doas grandas salas de classa, una per la mairala e una pel primari, permeton d’aculhir mai de calandrons. Pel cap d’establiment, Emilia Mazel «es un confòrt vertadièr per la mesa en òbra de la pedagogia activa desirada ont l’enfant es al centre dels aprendissatges fondamentals !» Emilia, regenta, es en carga de la classa dels grands (cicles 2 e 3) que comptarà sos primièrs escolans en CM2 e Clara-Lina Zimpfer de la classa de mairala. Loisa Bechereau, l’ajuda mairala completa la còla educativa.

Los parents contunhan sas missions d’acompanhament per l’organizacion de las animacions amb los sosten de Caminòc e asseguran tanben lo quotidian amb lo recapte e los repaisses. En contracte amb l’Educacion Nacionala, la Calandreta prepara doncas sa 8èna dintrada amb serenitat.

Entresenhas : Emilie Mazel al 06 87 19 32 94 o Léonie Subercaze al 06 21 35 40 66.

Adaptacion de l’article publicat lo 25/05/2018 La Dépêche du Midi