Un prèmi per una jovèna aussalèsa

 

Lou Sanchette
Lou Sanchette (a esquèra sus la fòto) recebèt son prèmi de las mans de Jean Lacoste. Photo a. S

Dimècres, lo 23, la 23èna ceremonia dels Calams Bearneses se debanèt al Parlament de Navarra. Aquesta concors literari, organizat per l’Ostau Bearnés e la Civada, sostengut per nombre de partenaris, consistís en una produccion d’escrich (istòria o poèsia), sol o a mantuns o encara la revirada de tèxte, lo tot en bearnés.

Per aquesta edicion de 2018 son pas mens de 146 produccions que foguèron presentadas als membres de las diferentas juradas. Los tèxtes podián èsser collectius o incividuals. Aqueste concors èra dobèrt tant als enfants coma als adultes.

L’ensem de las calandretas del departament, las escòlas primàrias bilingüas, lo collègi Calandreta, los collègis e licèu amb l’opcion occitan o classa bilingüa participèron en nombre a aquesta edicion.

Amb sa regenta

Dins la categoria « produccion escricha indivicuala », una jovena de Laruns, escolarizada a la clandreta de Beòst, Lou sanchette, ven de ganhar lo segond prèmi amb l’istòria « Un cop èra un abèt qui parlava ».

La pichòta Lou aguèt doncas lo plaser e la fiertat d’anar al Parlament de Navarra, amb sa familha e en preséncia de sa regenta Maeva per reçaupre son prèmi. La ceremonia èra presidida per Monique Sémavoine, conse de Masèras e conselhièra departamentala. Aguèt a còr de rementar l’importància de la lenga en Bearn e lo sosten totjorn mai present del Departament. Èra acompanhada de Jean Lacoste, adjonch al conse de Pau, conselhièr departamental.

Lou reçaupèt doncas son prèmi, de las mans d’En Lacoste, abans son entrevista radiofonica. I dirà sa fiertat e son plaser emai s’èra un pauc impressionada pel quadre e lo public vengut en nombre. La serada s’acabèt en cançons alentorn d’un manja-drech dins lo quadre subrebèl del Parlament de Navarra.

Adaptacion de l’article d’Alain Sanchette, paregut lo 1/06/18 dins Sud Ouest