D’en primièr, vos desiram una bona bona dintrada e annada escolara 2026-2027 !
Una annada qu’esperam plena de vam, de plaser de far viure lo projècte, ambiciós, Calandreta, amassa.
Una annada de cambiaments, amb un renovelament del CA de la Confederacion e de dralhas de bastir après un congrès fòrça ric.
Una annada ont una mobilizacion cap a d’exigéncias de politica lingüistica serà de far viure.
De tot aquò ne tornarem parlar lèu.
Doas datas de notar tre ara :
> lo dissabte 19 de setembre : acamp dels Presidents de las associacions Calandreta
> lo dissabte 10 d’octobre : AG confederala
Dins l’espèra, pensam mai que mai als calandrons, de los que son a viure lor primièra jornada a los que son a començar lor darrièra annada de calandron/a.
Per totes aquestes, capitarem!